2 Samuel 24:7 - সান্তালী বাইবেল

⁷ Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

2 Samuel 24:7 Iomraidhean Croise

2 Samuel 24:2

Unre raj do acʼ sãoten subedar Joabe metadea, “Ape do Dan khon Ber-seba hạbicʼ Israel gusṭiko talare senkate hoṛ lekhakope jemon iń do onkoakʼ lekhań baḍae daṛeakʼ.”

2 Samuel 24:8

Nonkate onko do goṭa disạm ạcur ạcrute are cando bargel din tayom Jerusalemteko ruạṛ hecʼena.

Sakariạ 9:3

Tur do apnar lạgitʼ mitʼṭecʼ gaṛe benao akawana ar dhuṛi leka rupại jarwa akada ar hor reakʼ losotʼ leka do sonage.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Josuạ 19:29

Ona tayom ona simạna do Rama secʼ ạcur calaoente pạcri esetʼ Tur nagrahate boloyena. Ona tayom Hosa secʼ ạcur calaoente Aksib ṭoṭha, Uma, Aphek ar Rahob jalapuri hạbicʼ senena. Aser gusṭirenkoakʼ hạṭińre do bargel bar nagraha ar ona aḍepase reakʼ atoko paṛaoena.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Josuạ 9:7

Unre Israelko do Hiwikoko metatʼkoa, “Ape do pasecʼ ale aḍepaseren hoṛ kangeape. Ar sạrige onka kan khan cetʼlekate ape sãote bondobos dole dohoya?”

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.