2 Samuel 22:4 - সান্তালী বাইবেল

⁴ Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khon iń do rukhiyạń ńameda.

2 Samuel 22:4 Iomraidhean Croise

2 Bõsbudạ 20:22

Hoṛko tinre sereń ar sarhaoko ehopʼena unre Probhu Isor do Jihudạko upạrte lạṛhại lạgitʼ hijukʼkan Amonrenko, Moabrenko ar Seyir bururen hoṛko upạrte lạṛhại phạdkoe tãṛãkʼ dohokatʼkoa. Ar unre Amonrenko ar Moabren hoṛko do Seyir bururen hoṛko upạrteko rakapʼ calaoen khan sanamkoko gocʼ cabaketʼkoa. Ar Seyirrenko gocʼ cabaketʼko khan onko do ako ako mapakʼ gopocʼko dhurạuena. Ar nonkate onko doko bhagao ocoyena.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 116:13

Uni do muhin khone bańcaokedińa, onate bańcaokʼ reakʼ bạṭi doń tul rakaba ar ona reakʼ ṭhonokiń lại sodora.

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

Sereńko 116:2

Uni do ińakʼ kathae lutur akawada, onate tinạkʼ din jiwetʼiń tahen unạkʼ din iń hohowaea.

Sereńko 116:4

Unre Probhu Isor do hohoadeteń metadea, “E Probhu Isor, am ṭheniń nehõrokʼ kana, am do ińakʼ jiwi bańcaotińme.”

Sereńko 18:3

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khone rukhiyạyińạ.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Sereńko 48:1

Aboren Isorakʼ nagrahare, ar uniyakʼ sonot burure, Probhu Isor doe maraṅgea ar joto khon bạ̃ṛti sarhao lek kanae

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 55:16

Menkhan iń do Isorriń hohoaea, ar Probhu do ińe bańcaoińa.

Sereńko 56:9

Tinre amiń hohowama, unre ińren bạiri doko dạṛ pạnḍuja; ińiń baḍaea Isor do iń secʼge menaea.

Sereńko 66:2

Uniyakʼ sarhao sereńpe; uni do lek leka sarhaoepe.

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Romiko lạgitʼ Pạul Apostolakʼ ciṭhi 10:13

Sonot sostorre menakʼa, “Bańcao ńam lạgitʼ jãhãege Probhu Isore hohowae uni do bańcaoe ńama.”

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Johan sodor 5:12

Onko do ãṭ aṛaṅte noa kathako roṛetʼkan tahẽkana: “Okoeṭakʼ Bheḍa Hopone gocʼ ocolen, unige ektiạri, dhon, akel, daṛe, manot, ṭhonok ar sarhao ńam lek kanae.”