2 Samuel 22:3 - সান্তালী বাইবেল

³ Isor kangeae ińren usul buru do, unirege iń doń asray akana. Uni do ińren ḍhal kanae, rurukhiyạicʼ dereńge, unige ińakʼ usul gaṛ, ińakʼ asray ṭhạ̃i. Sasantaokoakʼ ti khon amge bańcaoińme.

2 Samuel 22:3 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

2 Samuel 22:31

Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

2 Samuel 22:47

Probhu Isor doe jiwetʼgea. Ińakʼ asray cạṭạini do sarhao hoyokʼtae ma. Ińren Isor, okoe doe ińren rurukhiyạicʼ burukan, uni doe usulokʼma.

2 Samuel 22:49

Uni do bạirikoakʼ ti khone rukhiyạ edeńkana. E Isor, am do ińren bạiriko khonem usul akadińạ, ar jor julumkan hoṛko khon amgem rukhiyạ edeńkana.

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

Sereńko 14:6

Ape okoe do bạṛicʼakʼpe kạmikan, ape do nacar hoṛkoakʼ kạmipe bạṛicʼetʼtakote lajaorepe paṛaoetʼkoa, menkhan Probhu Isorge onkoren hirlạ do.

Sereńko 140:1

E Probhu Isor, bạṛicʼ hoṛkoakʼ ti khon bańcaoińme; sasantaokoakʼ ti khon rukhiyạyińme.

Sereńko 140:11

Oktako do disạmre ạidạri aloko ńam ma; ar santaokan hoṛ do muhin jemon jao ghuṛiye khudạu baṛako.

Sereńko 140:4

E Probhu Isor, bạṛicʼkoakʼ ti khon bańcaoińme. Ar santaokan hoṛkoakʼ ti khon rukhiyạyińme; ińakʼ jaṅga jemon leńjedokʼ tiń onate onko do phundiko aṭaoeda.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Sereńko 144:2

Unige ińren pạtiạran gokʼṛoyicʼ, ar ińakʼ gaṛ, ińakʼ usul aotan gaṛ ar babańcaoicʼ; unige ińren ḍhal, iń do uniregeń hirlạkʼ kana; unige ińren hoṛko iń gobolreye ạgukoa.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 27:5

Ente muhin hilokʼre uni do acʼakʼ ona gaṛre nirạiteye dohoyińạ, ar acʼakʼ ona tạmbureye oko dohokạńạ, ar ḍuṅgri cetanre uni doe rakabińạ.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Sereńko 32:7

Amge ińren danaṅ akan ṭhạ̃i do. Amge gạr khonem horho jaṅge akadińạ chaḍaokʼ reakʼ hulạs sereńte amgem esetʼ ạcur akadińạ. (Sela)

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Sereńko 5:12

E Probhu Isor, okoe amko botoram, onko cetanre sạrige amakʼ bhor do menakʼgea; ar amakʼ dayate onko do ḍhal lekam danaṅ esetʼ akatʼkoa.

Sereńko 55:9

E Probhu Isor, onko do marao cabakom, onkoakʼ roṛ do gaḍbaḍao ocoytakome; ente nagrahare iń do jor julum ar lạṛhạiyiń ńel akada.

Sereńko 59:16

Menkhan iń do amakʼ daṛe reakʼ iń sereńa, ar setakʼre rạskạte amakʼ asambheṛ dulạṛ iạteń sereńa; ente am kangeam ińren aotan gaṛ, ar muhinren hirlạ.

Sereńko 61:3

Am kangeam ińren hirlạ do; bạiriko upạrte amkangeam ińakʼ daṛeanakʼ aotan gaṛ.

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Sereńko 72:14

Santao ar khed reakʼ ti khon onkoakʼ jiwiye rukhiyại takoa; uniyakʼ mẽtʼre onkoakʼ mãyãm reakʼ dam do ḍhergea.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 84:9

E Isor, aleakʼ ḍhal beṅgetʼakʼme; amren ojokʼicʼakʼ mẽtʼãhã beṅgetʼataeme.

Sereńko 86:14

E Isor, bạḍạiko do iń upạrteko teṅgo akana; ar sasantaoko do ińakʼ jiwi hatao lạgitʼko kurumuṭu kana. Am lạgitʼ onko hoṛ do jãhãn bhoktige bạnukʼtakoa.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Sereńko 9:9

Okoe santaoreko paṛao akan, Probhu Isorge onkoren asray doe hoyokʼma ar gạr jokhecʼren do aotan gaṛge.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Kạhtukko 30:5

Isorakʼ sanam kathako do khạṭigea mente sạbud akana; okoe unireko asrayokʼkan uni do onkoren ḍhale hoyokʼa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 16:9

ente iń Israelkoren Isor sanam daṛeanicʼ Probhugeń meneda, iń do niạ ṭhạ̃irege hoṛkoakʼ mẽtʼãhã samaṅre onkoakʼ rạskạ ar hulạs reakʼ aṛaṅiń cabaetakoa ar jãwãe koṛa ar bạhu kuṛiyakʼ aṛaṅ hõń bond ocoya.

Luk 1:47

ińren babańcaoicʼ Isor iạte, ińakʼ jiwi do rạskạte perecʼ akana,

Luk 1:69

Uni do abo lạgitʼ acʼren guti Dạudakʼ bõs khon mitʼṭen daṛeanicʼ babańcaoicʼe omonkedea.

Luk 1:71

Uni do bạirikoakʼ ti khon ar hirkhạkʼ kankoakʼ ti khon aboe bańcao akatʼ bona.

Dosar Biboron 32:37

Unre uni doe mena, “Okayenako onkoren debotako do? Okayena onkoakʼ ona buru do one okareko asraylen?

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Dosar Biboron 33:29

E Israel, bhạgangeam am do! Am do Probhu Isorren bańcao akan jạtren kanam, am leka do ar cele jạtrenkoge bạnukʼkoa. Unige amren gokʼṛoyicʼ ḍhal do, ar unige amakʼ gorbokʼ reakʼ tarwaṛe. Bạiriko do am samaṅre botorteko thar tharaokʼa, ar onkoakʼ usul jaega dom lebetʼ gańjaotakoa.”

Titus lạgitʼ Pạul Apostolakʼ ciṭhi 3:4

Menkhan aboren babańcaoicʼ Isorakʼ daya ar dulạṛ abore sodoren khan uni do kại khone bańcaoketʼ bona.

Titus lạgitʼ Pạul Apostolakʼ ciṭhi 3:6

Aboren babańcaoicʼ Jisu Mạsi hotete uni do sonot Jiue danatʼ bona.

Ibriko 2:13

Jisu do arhõe meneda, “Iń do Isor cetanre bhorsa akaniń tahena.” Ar mitʼ jaegare uni doe meneda, “Nokʼõe ńelme, iń ar onko hoponko one okoeko do Isore emakawạdiń.”

1 Samuel 2:1

Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.

1 Samuel 2:2

Probhu Isor leka sonoticʼ do okoe hõ bạnugicʼan, ente am chaḍa ar cele Isorge bạnukʼkoa; aboren Isor leka asrae buru do ar cetʼge bạnukʼa.