2 Samuel 22:1 - সান্তালী বাইবেল

¹ Probhu Isor do Sạul ar eṭakʼ bạirikoakʼ ti khon tinre Dạude rukhiyạkedea unre Probhu Isor ńutumte Dạud do niạ sereńe sereńkeda:

2 Samuel 22:1 Iomraidhean Croise

2 Samuel 12:7

Unre Nathan do Dạude metadea, “Am kangeam uni hoṛ do. Israelren Probhu Isor do noa kathageye meneda, ‘ińge Israel cetanre raj menkateń ojokʼ bahal akatʼmea ar Sạulakʼ ti khoniń rukhiyạ akatʼmea.

2 Samuel 22:49

Uni do bạirikoakʼ ti khone rukhiyạ edeńkana. E Isor, am do ińren bạiriko khonem usul akadińạ, ar jor julumkan hoṛko khon amgem rukhiyạ edeńkana.

1 Bõsbudạ 16:7

Enhilokʼ Dạud do pạhilre Probhu Isor ńutumte sarhaoe reakʼ niạ sereń reakʼ bhar do Asaph ar uniren hoṛko cetanreye emkeda:

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

Sereńko 50:14

Isor ṭhen amakʼ gun manao joharge amakʼ dãṛẽ do hoyokʼtam ma; ar uni maraṅ utạricʼ ṭhenge amakʼ moneyakʼko hõ purạume.

Exodus 15:1

Noa tayom Mose ar Israelko do Probhu Isor ńutumte noa sereńko sereńkeda: “Iń do Probhu Isor ńutumteń sereńa, ente hoṛkoakʼ mẽtʼre uniyakʼ ṭhonok maraṅentaea. Sadom ar aswari dolrenko do unige jalapuri reakʼ dakʼreye giḍikatʼkoa.

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.

Dosar Biboron 31:30

“Ona tayom Mose do noa sereń reakʼ kathako pạhil khon mucạtʼ hạbicʼ sanam Israelkoe ańjomatʼkoa:

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

Bikʼcạrko 5:1

Enhilokʼ Debora ar Abinoamren hopon Barak do noa sereńkin sereńkeda:

1 Samuel 23:14

Dạud do hahaṅkar reakʼ buru gaṛkore ar Siph hahaṅkar reakʼ buru ṭoṭhareye tahẽyena. Ar Sạul do dinke din Dạude sendra baṛakedea menkhan Isor do uniyakʼ tire Dạud bae soprotledea.

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

1 Samuel 25:29

Ińren mạlik goje lạgitʼ jãhãeye khudạulere hõ ińiń baḍaea Probhu Isor do uniyakʼ jiwiye poṭom okokataea are rukhiyạyea. Menkhan amren bạirikoakʼ jiwi do ginḍwạrite dhiri ghiriyạ giḍikakʼ lekageye capatʼ giḍikoa.

1 Samuel 26:24

Teheń ạliń ṭhen abenakʼ jiwi tinạkʼ damanakʼ hoyen onkage Probhu Isor ṭhen ạlińakʼ jiwi hõ onka damanakʼ hoyokʼ tạlińa. Uni do joto lekan muhin khone bańcaoliń ma.”

1 Samuel 27:1

Dạud do mone monteye hudiskeda, “Iń do Sạulakʼ tirege mitʼdin gujukʼ hoyokʼtińạ, onate Philisṭikoakʼ disạmtege dạṛ pharakokʼ bhage hoyokʼ tińạ. Enḍekhan Israel disạmre uni do ar bae sendra baṛayińạ, ar iń hõ uniyakʼ ti khon rukhiyạń ńama.”