2 Samuel 21:1 - সান্তালী বাইবেল

¹ Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

2 Samuel 21:1 Iomraidhean Croise

Genesis 12:10

Kanan disạmre mitʼṭecʼ akal hoyena. Ona do maraṅ akalge tahẽkante, ar Abram do thoṛa din lạgitʼ Misor disạmte senkateye girobasena.

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

Genesis 41:57

Ar eṭakʼ disạmkore hõ maraṅ akal hoyena, onḍenko hoṛ hõ Joseph ṭhen khon jomakʼ kiriń idijoṅ lạgitʼ Misorte hijukʼko ehopʼena.

Genesis 42:5

Ar jomakʼ kiriń lạgitʼ tinạkʼ hoṛko calakʼkan tahẽkan onko dolre Israelren hopon hõko tahẽkana, ente Kanan disạmre hõ akal paṛao akan tahẽkana.

Genesis 43:1

Kanan disạm reakʼ akal do arhõ ḍher idiyena.

2 Samuel 16:8

Okoeyakʼ ṭhạ̃irem rajokʼkan uni Sạul bõsren sanam hoṛkoakʼ mãyãm reakʼ Probhu Isor do amreye hala akada. Ar Probhu Isor do amakʼ ona rajosṭi amren hopon Absalome emakawadea. Am dom khũniyạhi kana ar onatege nonkan dosarem paṛao akana.”

2 Samuel 20:26

ar Jayirren Ira hõ Dạudren sosolhayicʼ naekeye tahẽkana.

2 Samuel 21:5

Onko do rajko roṛ ruạṛadea, “Okoe hoṛ aleye jarkhar akatʼle ar Israelkoakʼ simạna tala khon marao giḍi utạrle lạgitʼte bạṛicʼakʼe phundi akatʼ,

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

2 Samuel 5:19

Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

2 Samuel 5:23

Unre Dạud do Probhu Isore kulikede khan uni doe metadea, “Mitʼ mohnḍa onko secʼ do alom calakʼa; menkhan onko tayom secʼ reakʼ konḍea dareko samaṅ secʼte onkom ńẽtʼkoa.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Rapajko 18:2

Onate Eliạ do Ahab sãote ńapamokʼ lạgitʼe senena. Unre Samariạre do maraṅ akal hoyokʼkan tahẽkana.

2 Rapajko 6:25

Unre nagrahare maraṅ akal ńelena. Niạ gherao do nunạkʼ din hạbicʼ hoyena je, mitʼṭen gadhawakʼ bohokʼ do mitʼ keji rupạte ar mitʼ keji reakʼ pon hạṭiń reakʼ mitʼ hạṭiń parwa icʼ do eae gram rupạte ạkhrińokʼ ehopʼena.

2 Rapajko 8:1

Elisae do okoeṭakʼ maejiuren hopone jiwetʼlede uni maejiue metadea, “Am do amakʼ gharońjrenko tulucʼ jãhãregem daṛeakʼ onḍege thoṛa din lạgitʼ tahẽ hataṛokʼme, ente Probhu Isor do niạ disạmre akale kola, ar eae bochor hạbicʼ ona akal do tahena.”

Jobakʼ 10:2

E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Sereńko 27:8

Ińakʼ ontor do noa kathageye meneda, “Ape do iń hohowạńpe.” E Probhu Isor, iń do amiń hohowama.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Levitikus 26:26

Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Josuạ 9:20

Tobe abo do onko lạgitʼ niạ bon kạmiya, onko do babon gocʼkoa jemon onko ṭhen oka bon kiriạ akan ona rạputʼ iạte Probhu Isorakʼ edre abore alo paṛaokʼ.”

Rut reakʼ kạhini 1:1

Bikʼcạrkoakʼ bidạlre Israelkoakʼ disạmre mitʼṭecʼ akal hoylena. Unre Jihudạ disạm reakʼ Bethlehem atoren mitʼṭen hoṛ do acʼren bạhu ar barea hoponkin soṅgekate thoṛa okte lạgitʼ Moab disạmte senkate girobasokʼe ehopʼena.

1 Samuel 10:22

Unre hoṛko do Probhu Isorko kulikedea, “Nonḍe do cetʼ ar jãhãe menakʼkoa?” Probhu Isore menkeda, “Ńelpe, uni do asbabko talareye oko akana.”

1 Samuel 23:11

Kayilaren hoṛ do cetʼ uniyakʼ tireko soprotińạ? Ar okań ańjomakatʼ onkage cetʼ Sạul do nonḍe sạrigeye hijukʼa? E Israelren Probhu Isor, iń amren golam lạiyạńme baṛe. Probhu Isore menkeda, “Hẽ, uni doe hijukʼgea.”

1 Samuel 23:2

Unre Dạud do Probhu Isore kulikedea, “Iń do cetʼ senkate onko Philisṭikoń ńẽtʼkoa?” Probhu Isore roṛ ruạṛadea, “Hẽ, Do calakʼme. Philisṭiko ńẽtʼkate Kayila nagraha rukhiyạime.”

1 Samuel 23:4

Unre Dạud do arhõ Probhu Isor ṭhene kuliyana ar Probhu Isor do roṛ ruạṛadeteye metadea, “Kayilate Do calakʼme, Philisṭiko do amakʼ tireń soprot akatʼkoa.”