2 Samuel 20:1 - সান্তালী বাইবেল

¹ Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

2 Samuel 20:1 Iomraidhean Croise

Genesis 46:21

Benjạminren hoponko do Bela, Beker, Asbel, Gera, Naman, Ehi, Ros, Mupim, Hupim ar Ard.

2 Samuel 15:10

Absalom do Israelren sanam gusṭiko ṭhen noa katha menkate oko okote hoṛkoe kolketʼkoa, “Sakwa reakʼ saḍe ańjom toragepe mena, ‘Absalom do Hebronren raje hoyena.’ ”

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

2 Samuel 16:7

Simaiye do sarap em emteye menkeda, “Men ocogokʼme, men ocogokʼme, eya mãyãm jokʼroyicʼ, eya dusṭạmi hoṛ!

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 20:2

Unre Israelren sanam hoṛ do Dạudko bạgiyadete Bikri hopon Sebako pańjakedea. Menkhan Jordan khon Jerusalem hạbicʼ Jihudạren hoṛko do goṭa hor raj são sãoteko calaoena.

2 Samuel 20:22

Ona tayom uni maejiu do ạkilan kathakowante nagraharen sanam hoṛko ṭhene senena. Ar hoṛko do Bikri hopon Sebakʼ bohokʼko makʼ ńurhạketʼte Joabko capatʼgotʼadea. Unre Joab do sakwae oroṅkeda ar uniren hoṛko do nagraha khonko uṭhạuente apan ạpin oṛakʼteko ruạṛena. Ar Joab do Jerusalemren raj ṭhene ruạṛ calaoena.

2 Samuel 23:6

Menkhan bạṛicʼ hoṛ do totʼ giḍi ocokʼ jạnum leka kanako, one onko do tite ohoko sapʼlen.

1 Rapajko 12:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼanaṅ. E Israelko Do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

1 Rapajko 21:10

Ar uni samaṅ reakʼ duṛupʼakʼ ṭhạ̃ire do barea bạṛicʼ hoṛpe duṛupʼkinạ. Unkin do niạ mente uni upạrte gohakin emma, uni do Isor ar raj upạrte bemanotakʼ kathae roṛ akada mente. Ar ona tayom onḍe khonpe or oḍokea ar dhiritepe tiń gojeya.”

2 Bõsbudạ 10:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼtalea. E Israelko, ape do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

2 Bõsbudạ 10:6

Okoe murubbiko acʼren apattetʼ Solomon oktereko sapʼ soraekan tahẽkan Rehobiam do onko sãote galmaraoketʼteye menkeda, “Sopolhawạńpe onko hoṛ do cetʼ iń roṛ ruạṛakoa?”

Sereńko 17:13

E Probhu Isor, ma beretʼme, ar teṅgo daramkote, otre baṛe tawakʼ bhindạṛkom. Amakʼ tarwaṛete bedhoromkoakʼ ti khon rukhiyạyińme.

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

Kạhtukko 25:8

Hare phare kacahạrite do alom calakʼa, ente mucạtʼre am aḍepaseren hoṛ lajaoreye paṛao ocolem khan unre cetʼem cekaea?

Kạhtukko 26:21

Jolokʼkan aṅgrare arhõ koela emakʼ khan ar seṅgelre arhõ kaṭ emakʼ khan cetʼleka hoyokʼ, onkage jhogṛakʼ hoṛ do jhogṛae salgao ocoya.

Mark 3:24

Jãhãṭakʼ rajosṭige apnar talare hạṭińlen khan ona rajosṭi do ohoge ṭikạulena.

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Johan 13:8

Patras do uniye metadea, “Ińakʼ jaṅga do tis hõ bam ạbuk ńama.” Jisu do Patrase metadea, “Bạń ạbukletam khan iń tulucʼ amakʼ bakhra do bạnukʼ tama.”

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Bikʼcạrko 3:27

Onḍe Ephrayim reakʼ buru ṭoṭhare sakwae oroṅketʼ khan Israelko do uni sãote buru khon latarteko pheḍ hecʼente uniko pańja idikedea,

Rut reakʼ kạhini 2:3

Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

1 Samuel 30:22

Menkhan Dạud sãote okoe haḍrap hoṛko tahẽkan onkoko menkeda, “Okoe abo sãote bako senlen onko do ona rukhiyạ ạguakatʼakʼ khon do babo emakoa. Onko do eken akoren bạhu ar onkoren hopon ar hoponerakoko idikotakoma.”