2 Samuel 2:8 - সান্তালী বাইবেল

⁸ Onako dinre Sạulakʼ lạṛhại phạdren senaputi Ner hopon Abner do Sạulren hopon Isaboth jordan gaḍa hanasa Mahaniạmteye idiakade tahẽkana.

2 Samuel 2:8 Iomraidhean Croise

Genesis 32:2

Onko ńelte uni doe menkeda, “Noa do Isorakʼ ḍera kana.” Ar onate ona jaega reakʼ ńutum do Mahanayime dohokeda (metakʼme, “Barea ḍera”).

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.

2 Samuel 17:24

Dạud do Mahanayimteye senena ar Absalom do Israelren sanam hoṛkowante jordan gaḍae paromena.

2 Samuel 2:29

Abner ar uniren hoṛko do goṭa ńindạ Araba otet talate taṛam idikate jordan gaḍako paromena. Ona tayom Bithron talate taṛam idikate onko do Mahanayimteko seṭerena.

2 Samuel 2:7

Onate ape do keṭejokʼpe ar dilanko hoyokʼpe. Aperen mạlik Sạul doe gocʼena ar Jihudạ gusṭiren hoṛko do raj lekate ińko ojokʼ bahal akadińạ.”

2 Samuel 3:38

Raj do acʼren hoṛkoe metatʼkoa, “Ape do cetʼ bape baḍaea, teheń Israel disạmren mitʼṭecʼ maraṅ mukhiyại gocʼena mente?

2 Samuel 3:6

Sạul ar Dạudren lạṛhại phạdko talare tinre lạṛhại calakʼkan tahẽkana unre Sạulren hoṛko modre Abner do acʼte daṛeanicʼe hoylena.

1 Bõsbudạ 12:29

Sạulakʼ nij gusṭiren, metakʼme Benjamin gusṭiren pe hajar hoṛ. Menkhan niạ gusṭiren ḍher hoṛge unhõ Sạul gharońjrenko secʼko tahẽkana.

1 Bõsbudạ 12:30

Ephrayem gusṭiren bargel hajar irạlsae daṛean birbanṭako tahẽkana. Noko do nij nij bõsre namḍak hoṛko tahẽkana.

1 Bõsbudạ 8:33

Nerren hopon do Kis ar Kisren hopon do Sạul. Sạulren hopon doko hoyokʼkana Jonathon, Malkisua, Abinadab ar Esbal.

1 Bõsbudạ 9:39

Nerren hopon Kis, Kisren hopon do Sạul ar Sạulren hopon doko hoyokʼkana Jonathon, Malkisua, Abinadab ar Esbal.

Josuạ 21:38

Gad gusṭirenkoakʼ jaega khon Gileadkoakʼ Ramot, Mahanayim, Hesbon ar Jaser ńutumanakʼ ponea ato ar ona sãoteakʼ ạtiń ṭạnḍiko emocoyena. Inạko modre Ramot do khũniạhiko lạgitʼ asrayokʼ nagraha tahẽkana.

1 Samuel 14:50

Uniren bạhuttetʼakʼ ńutum do Ahinoạm tahẽkana. Uni do Ahimasren hoponerae tahẽkana. Sạulren maraṅ subedarakʼ ńutum do Abner tahẽkana. Uni do Sạulren kakattetʼ Nerren hopone tahẽkana.

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

1 Samuel 26:14

Ar lạṛhại phạdko ar Nerren hopon Abner hohowadeteye metadea, “E Abner, jãhãnakʼ cetʼ bam roṛa?” Abnere roṛ ruạṛkeda, “Am dom okoe kante, rajem hohowae kana?”