2 Samuel 19:9 - সান্তালী বাইবেল

⁹ Unre Israelren sanam gusṭiko talaren hoṛko do reṭepeṭekʼ tulucʼ roroṛko ehopʼena, “Raj do bạirikoakʼ ti khone bańcao akatʼbona; Philisṭikoakʼ ti khon unigeye rukhiyạketʼ bona. Menkhan ńitokʼ do Absalom iạtege disạm khone dạṛ akada.

2 Samuel 19:9 Iomraidhean Croise

2 Samuel 15:14

Unre Dạud do Jerusalemre acʼren okoeko kạmiyạ hoṛko tahẽkan onkoe metatʼkoa, “Dela, abon do nonḍe khon bon dạṛa. Ar baṅkhan okoehõ Absalomakʼ ti khon rukhiyạ do bako ńama. Abo do ńitge oḍok calakʼ hoyokʼtabona, ente usạrage ruạṛ hecʼkate uni do muhinreye paṛao oco bona ar nagraharen sanam hoṛkoe marao cabakoa.”

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 19:10

Okoe do abo cetanre rajok lạgitʼ bon ojokʼlede uni Absalom do lạṛhạireye gocʼena. Enḍekhan raj ruạṛ ạguiye lạgitʼ do jãhãnakʼ cedakʼ bape roṛeda?”

2 Samuel 19:40

Nonkate Jihudạren sanamko ar Israelren adha hoṛko do rajko parom ạgukedea. Ona tayom raj do Gilgalteye senena ar Kimham hõ uni tulucʼe calaoena.

2 Samuel 22:44

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre iń do matha mentem dohoakadińạ; okoe bạń orom akatʼko tahẽkan onko hõ iń gobolrenko hoyena.

2 Samuel 5:20

Unre Dạud do Bakʼal Perasimteye senena ar onḍe Philisṭikoe bhagaoketʼkoa. Uniye menkeda, “Probhu Isor do ińren bạiriko iń samaṅ khone phoṛ idiketʼkoa ḍubạ dakʼ phoṛokʼ lekage.” Ona iạte ona jaega reakʼ ńutum do Bakʼal Perasimko dohokeda.

Sereńko 18:43

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre am do matha mentem dohoakadińạ; okoe bạń orom akatʼko onko hõ iń ṭhen golamko khaṭao akana.

Exodus 32:24

Ar niạ katha ańjomkate onkoń metatʼkoa, okoekoakʼ sona pagra menakʼtape onko do ona totʼkate iń ṭhen ạguiype. Ar onko do ińko ạguạdiń khan seṅgelre onań galao ocokeda ar sonaren mĩhũye oḍok hecʼena.”

1 Samuel 17:50

Unre Dạud do ńir senkate uni Philisṭi hoṛakʼ tarwaṛe bocʼkate uniye gocʼkedea ar uniyakʼ bohokʼe makʼ kuṭrạketʼtaea. Nonkate Dạud do eken ginḍwạri ar mitʼṭecʼ dhirite uni Philisṭiye bhagaokedea. Uniyakʼ tire jãhãn tarwaṛe baṅ tahẽkanre hõ uni do Philisṭi hoṛe ńẽtʼkedea are gocʼkedea. Philisṭiko tinreko ńelkeda akoren birbão hoṛe gocʼena unre onko do dạdạṛko ehopʼena.

1 Samuel 18:25

Unre Sạule metatʼkoa, “Dạud metaepe, raj do jãhãnakʼ gonoṅ hõ bae hataoa, eken bạiriko cetanre halae lạgitʼ mitʼsae Philisṭikoakʼ khatnakʼakʼge.” Nonkate Philisṭikoakʼ tite jemon Dạude marao utạrokʼ, noage Sạulakʼ monsubạ do tahẽkana.

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”