2 Samuel 18:2 - সান্তালী বাইবেল

² Dạud do acʼren lạṛhại phạdko pe hạṭińte hạṭińketʼkoteye kolkatʼkoa. Uni do pạhilakʼ hạṭińkoren do Joab latarre, dosarakʼ hạṭińkoren do Joabren boeha, metakʼme Seruyaren hopon Abisae latarre ar tesarakʼ hạṭińkoren do Gatren Itai latarreye dohoketʼkoa. Raj do lạṛhại phạdkoe metatʼkoa, “Iń hõ khạṭige ape sãoteń calakʼa.”

2 Samuel 18:2 Iomraidhean Croise

2 Samuel 17:11

“Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

2 Samuel 21:17

Menkhan Seruya hopon Abisae do Dạude rukhiyạkedea. Uni do Philisṭi hoṛe ńẽtʼkedea are gocʼkedea. Unre Dạudren hoṛko do kiriạwate Dạudko metadea, “Ar tishõ ale sãote lạṛhại do alom oḍok calakʼa, Israel reakʼ diuhe do alom ĩṛĩcʼ ocoya.”

2 Samuel 23:18

Seruya hopon Joabren boeha Abisae do onko pene hoṛren subedare tahẽkana. Uni do borlomte pesae hoṛe gocʼletʼkoa ar uni hõ onko pene birbanṭako leka ńutume hạran tahẽkana.

2 Samuel 8:16

Seruyaren hopon Joab do uniren maraṅ subedare tahẽkana ar Ahiludren hopon Jehosaphat do uniyakʼ rajosṭi reakʼ sanam itihãskoe ol dohoyetʼ tahẽkana.

1 Rapajko 2:28

Niạko khobor do Joabakʼ luturre seṭerena. Uni do Absalom secʼ bae tahẽkanre hõ Adoniạ secʼe tahẽkana, onate uni doe ńir paskaoente Probhu Isorakʼ tạmbure senkate pinḍ reakʼ dereńe sapʼ hapekeda.

Sereńko 3:6

Iń upạrte ar iń beṛhaete hajar hajar hoṛko teṅgo akana, menkhan onko do bạń botorako kana.

Bikʼcạrko 7:16

Uni do onko pe sae hoṛko pe ṭhene hạṭińketʼkoa ar mimitʼkoakʼ tire mitʼṭecʼkate sakwa, mitʼṭecʼkate khạli kanḍa ar onako kanḍare mosal hõe ematʼkoa.

Bikʼcạrko 7:19

Ar Midiạnrenko do tala ńindạ horhokoko bodolokʼkan tahẽkanre Gideon ar uni sãoten mitʼsae hoṛ do ḍera ṭhenko seṭerena. Onko do akaoakʼ sakwako oroṅketʼte ti reakʼ kanḍako rạputʼketʼtakoa.

Bikʼcạrko 9:43

Khan Abimelek do acʼren hoṛko pe hạṭińteye hạṭińketʼkoa ar onko do bilạn ṭạnḍire tãṛãkʼ akaeko tahẽyena. Ar Nagraha khon hoṛko oḍokʼ hijukʼe ńelketʼko khan uni do onkoe ńẽtʼketʼkoa.

1 Samuel 11:11

Dosar hilokʼ Sạul do acʼren hoṛko pe dolteye hạṭińketʼkoa. Ona tayom aṅga marsalokʼ okte onko do Amonrenkoakʼ ḍerate bolokate tikin hạbicʼko gocʼketʼkoa. Ar tinạkʼ jiwetʼko tahẽyen onko doko chirchạtur cabayena, ar mitʼ sãote bar hoṛ hõ bạkin tahẽlena.