2 Samuel 17:10 - সান্তালী বাইবেল

¹⁰ Unre joto khon daṛean ar dhạcri kul leka dilan lạṛhại phạd hõ botorte disạ adokʼtaea, ente Israelren sanam hoṛkogeko baḍaea, ạpum do mitʼṭen lạṛhại bir kanae ar uni sãote okoe menakʼko onko hõko daṛeangea.

2 Samuel 17:10 Iomraidhean Croise

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

2 Samuel 17:9

Uni do ńitokʼ jãhãn dander se jãhãn jaegareye oko akana. Ar lạṛhại ehobokʼ sãote amren lạṛhại phạdko gocʼlen khan tobe okoe ona kathako ańjom onko doko mena, ‘Absalomren lạṛhại phạdko do ḍhergeko gocʼ ocoyena.’

2 Samuel 23:20

Kabsilren Jehoyada hopon Bonae do mitʼṭecʼ birbanṭa hoṛe tahẽkana. Uni hõ maraṅ maraṅakʼkoe kạmileda. Moab Ariyelren barea hopone gocʼletʼkinạ. Mitʼdin him ńurokʼ hilokʼ uni do mitʼṭecʼ danderte bolokate mitʼṭecʼ dhạcri kule gocʼledea.

Sereńko 89:19

Mitʼ dhao am do dorsonte am botoramkom metatʼko tahẽkana, “Iń do mitʼṭen birbanṭa hoṛiń goṛo akadea; ar onko mod khon mitʼ hoṛiń bachaoante coṭteń rakapʼ akadea.

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Soros sereń 3:7

Ńelpe ona do Solomonakʼ khuṛkhuṛi kana! Ona khuṛkhuṛi beṛhaete do turuigel birbanṭa menakʼkoa; onko do Israelren joto khon daṛean bir kanako.

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Ibriko 11:34

ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.