2 Samuel 15:8 - সান্তালী বাইবেল

⁸ Iń amren guti do Aram reakʼ Gesurreń tahẽkan jokhecʼ manot kateń menleda, ‘Probhu Isor do Jerusalemteye ruạṛ idiyiń enḍekhan Hebronte senkate Probhu Isor ńutumte samaṅokʼakʼ iń samaṅa.’ ”

2 Samuel 15:8 Iomraidhean Croise

2 Samuel 14:23

Ona tayom Joab do Gesurte senkate Absalom do Jerusalemteye ruạṛ ạgukedea.

2 Samuel 14:32

Absalom do roṛ ruạṛketʼte Joabe metadea, “Nonḍem hijukʼ iạte am ṭhen hoṛiń kolletʼkoa jemon raj ṭhen senkate noam kuliye, ‘cedakʼ iń do Gesur khon nonḍeń hecʼena? Onḍe tahenge cetʼ iń lạgitʼ boge baṅ tahẽkana?’ Ńitokʼ jemon rajakʼ mẽtʼãhãń ńel daṛeakʼ ona bebostaeme. Ar jãhãnakʼ iń dos akatʼ khan uni do ińe gojeńma.”

2 Samuel 15:9

Raj do uniye metadea, “Sulukte senjoṅme.” Unre Absalom do Hebronteye calaoena.

2 Samuel 3:3

Uniren dosaricʼ hoponakʼ ńutum do Kileab; uni doe tahẽkana Karmel Nabalren rạnḍi maejiu Abigaelren hopon. Tesaricʼ hoponakʼ ńutum do Absalom; uni do Gesur raj Talmaeren hoponera Makherren hopone tahẽkana.

Sereńko 56:12

E Isor, am ṭhen okaṭakʼ manotakʼ iń dohoakatʼ ona doń purạuama; ariń gun manao joharama;

Sosolhayic̕ 5:4

Isor ṭhen jãhãnakʼge manotakʼem dohoakatʼ khan ona purạu do alom biloma. Uni do bebuj hoṛkore rạskạ do bạnukʼtaea. Ar amakʼ manotakʼ do uni purạuaeme.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

1 Samuel 16:2

Sạmuele menkeda, “Cekate iń doń calakʼa? Sạul niạ kathae ańjom lekhan uni do khạṭigeye gocʼ giḍikạńạ.” Probhu Isore menkeda, “Am do mitʼṭen phẽṭaṛ mĩhũm iditorayea arem mena, Probhu isor ńutumte samaṅokʼ lạgitʼem hecʼakana.