2 Samuel 13:4 - সান্তালী বাইবেল

⁴ Uni do Amnone metadea, “E raj kũạr, din dinte cekate nonka dom osogokʼ kana? Iń do cetʼ bam lạiyạńạ?” Amnone menkeda, “Iń do Absalomren misera Tamar iń dulạṛ edekana.”

2 Samuel 13:4 Iomraidhean Croise

2 Samuel 13:3

Dạudren dadattetʼ Simeyaren hopon Jonadab do Amnonren gateye tahẽkana. Uni do ạḍi cạtur hoṛe tahẽkana.

2 Samuel 13:5

Jonadabe menkeda, “Am do aṭetʼre giticʼkokʼme ar ruạkʼ kanam mente bhanme. Ar amren ạpum tinre am ńeńele hijukʼa unre unim metaea, ‘dayakate ińren misrań Tamar iń ṭhen kolkaeme jemon uni do hecʼkate thoṛa jomakʼe jom ocoyiń. Ar ona jomakʼ do iń samaṅregeye tearma jemon onań ńel are jom ocoyiń.”

1 Rapajko 21:5

Niạ ńelte acʼren bạhu Isebel do uniye kulikedea, “Cedakʼem mon duk akana? Cedakʼ bam jom ńũiyeda?”

1 Rapajko 21:7

Unre uniren bạhu Isebel doe menkeda, “Am do cetʼ Israelkoren raj dom baṅkana? Ma beretʼme, ar jom-ńũiyme, ar rạskạkʼme. Jisriyelren Nabatakʼ darkha bagwan do ińiń emama.”

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Levitikus 18:9

Nijer misera ar kạki goṅgo boeha kuṛi sãote giticʼmidokʼ hõ baṅ ganokʼa, baṅ doe apattetʼren hoponera kan ar baṅ doe eṅgattetʼren hoponera kan, ar mitʼ oṛakʼre kin janamokʼ se eṭakʼ eṭakʼ ṭhạ̃irekin janamokʼ.

Levitikus 20:17

“Nijạr miserat se kạki gogoren kuṛi baplayete uni tulucʼe giticʼmidokʼ noa do mitʼṭecʼ lajao paṛaoakʼ kạmi hoyokʼa. Uni misera do baṅ doe eṅgat secʼren kan ar baṅ doe apat secʼren kan ona do baṅ ganokʼa. Ar okoe onakoe onkae onko do hoṛ samaṅreko gocʼ ocokʼa. Ar miseratetʼe bemanot ocoyedete uni hoṛ do dạyireye paṛaokʼa.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.