2 Samuel 12:9 - সান্তালী বাইবেল

⁹ Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

2 Samuel 12:9 Iomraidhean Croise

2 Samuel 11:4

Ar Dạud do acʼ ṭhen ạguiye lạgitʼ hoṛe kolketʼkoa. Ado maejiue hecʼen khan Dạud do uni sãoteye loṭghuṭikeda. Unre maejiu do acʼakʼ candoteakʼ khone sapha gotʼ akan tahẽkana. Ar ona tayom maejiu do acʼakʼ oṛakʼteye ruạṛ calaoena.

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 16:7

Simaiye do sarap em emteye menkeda, “Men ocogokʼme, men ocogokʼme, eya mãyãm jokʼroyicʼ, eya dusṭạmi hoṛ!

1 Rapajko 15:5

ente Probhu Isorakʼ mẽtʼre okaṭakʼ ṭhikakʼ kan onage Dạud doe kạmiyetʼ tahẽkana. Eken Uriạ hitti hoṛakʼ ghoṭna chaḍa uniyakʼ goṭa jionre Probhu Isorakʼ oka hukumge bae bemanotleda.

1 Rapajko 21:19

Unim metawea, Probhu Isore meneda, ‘am do cetʼ mitʼṭen hoṛ gocʼkate uniyakʼ sompotti bam dokhol lạgidokʼ kana?’ Ona tayom unim metaea, Probhu Isore meneda, ‘Setako okare Nabatakʼ mãyãmko caṭokʼ jom akatʼ onḍege onko do amakʼ mãyãm, hẽ amakʼ mãyãm hõko caṭokʼ jomtama.’ ”

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 51:16

Am do janwar dãṛẽ hõ bam kusiyakʼ kana, ar baṅkhan onageń emkema; ar am do jeredokʼakʼ dãṛẽte hõ bam tirpitokʼa.

Sereńko 51:4

Am upạrte, hẽ eken am upạrtegeń kại akada ar am mẽtʼãhã samaṅre okaṭakʼ bạṛicʼakʼkan onageń kạmi akada. Onatege amakʼ roṛ do dhoromgea ar amakʼ bicạr hõ nikhutgea.

Sereńko 90:8

Aleakʼ ghạṭko do am samaṅrem dohoakada; amakʼ mẽtʼãhã reakʼ marsalte aleakʼ oko danaṅ kạiko sodorokʼ kana.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Amos 2:4

Probhu Isore meneda, “Jihudạ reakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea, ente uniren hoṛko do Probhu Isorakʼ ạn-ạriko bebatao akada, ar uniyakʼ niạmko bako dohoakada. Onkoren hapṛamko okoe do eṛe debotako pańjaletʼko onkage onko hõ bạṛicʼ horteko senakana.

1 Samuel 15:19

Am do Probhu Isorakʼ hukum cedakʼ bam ańjomleda? Am do cedakʼ luṭakʼ jinisko cetanre jhãpem emkeda ar Probhu Isorakʼ mẽtʼre oka bạṛicʼakʼ kan onam kạmikeda?”

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

1 Samuel 15:26

Menkhan Sạmuel do uniye metadea, “Am sãote do bạń calakʼa. Am do Probhu Isorakʼ hukumem bebatao akatʼte Probhu hõ Israelkoren raj lekateye nihạ̃t giḍi akatʼmea.”