2 Samuel 11:8 - সান্তালী বাইবেল

⁸ Ona tayom uni do Uriại metadea, “Amakʼ oṛakʼte senkate ti jaṅga ạbukokʼte jirạukʼme.” Uriạ do raj oṛakʼ khone oḍokena ar raj do uni lạgitʼ thoṛa sandese kolkeda.

2 Samuel 11:8 Iomraidhean Croise

Genesis 18:4

Iń do dakʼiń ạguyeda, ar ape do jaṅga ạbukokʼpe. Ar ona tayom do noa dare buṭạre mitʼ ghạṛi jirạu hataṛokʼpe.

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

Genesis 43:24

Ona tayom uni do sanamko Josephakʼ oṛakʼ bhitriteye aderketʼkote ạbukokʼ lạgitʼ dakʼe ematʼkoa ar onko do jaṅgako ạbukena. Uni do onkoren gadhako hõe jom ocoketʼkoa.

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

Luk 12:2

Oko reakʼ sanamakʼ do sodorokʼa ar danaṅre menakʼ jotowakʼ do baḍaeyokʼa.

Luk 7:44

Ona tayom Jisu do maejiu secʼ beṅgetʼkate Simone metadea, “Nui maejiu baṛe ńeleme. Iń do amakʼ oṛakʼteń hecʼena ar jaṅga ạbukokʼ lạgitʼ dakʼ hõ bam emadińạ, menkhan uni do mẽtʼ dakʼte ińakʼ jaṅgakine ạbukkeda ar acʼakʼ upʼteye jotʼketʼtińạ.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.