2 Samuel 11:11 - সান্তালী বাইবেল

¹¹ Uriạ do Dạude metadea, “Israel ar Jihudạren lạṛhại phạdko do goha sindukante tạmbure menakʼkoa, ar ińren subedar Joab hõ ṭạnḍire menaea. Ar iń do cekate ińakʼ oṛakʼte senkateń jom-ńũiya ar ińren bạhu tulucʼ iń giticʼ midokʼa? Amreń kiriạkʼ kana, nonkan kạmi do tishõ ohogeń kạmi daṛelea.”

2 Samuel 11:11 Iomraidhean Croise

2 Samuel 11:10

Dạud ona kathako baḍae ocokede khan uni do Uriại metadea, “Am ma lạṛhại khonem ruạṛ hecʼakan, enḍekhan cedakʼ amakʼ oṛakʼte do bam calaolena?”

2 Samuel 14:19

Raje kuliyana, “Niạ babotre am tulucʼ cetʼ Joabakʼ ti menakʼa?” Maejiue roṛ ruạṛkeda, “E ińren kisạ̃ṛ maharaj, amre kiriạkateń meneda, am okam roṛakatʼ ona khon etom se końe secʼ do celege ohoko ghańjeṛlena. Hẽ amren guti Joabge niạ kạmi lạgitʼe men akawạdińa ar unige noako kathae lại cetʼ akawạdińa.

2 Samuel 20:6

Unre Dạud do Abisaeye metadea, “Absalom aboakʼ tinạkʼ bae loksan akatʼ ona khon hõ Bikri hopon Seba do ḍhere loksan tabona. Ńitokʼ am do ińren hoṛkoante uni khudạue lạgitʼ oḍok calakʼme. Ar baṅkhan uni do jãhãn pạcrite esetʼ nagrahae sendra ńamle khan abo ṭhen khone dạṛ paskaokʼa.”

2 Samuel 7:2

Mitʼ do raj do Nathan nạbiye metadea, “Ńelme, iń do debdạru kaṭ reakʼ oṛakʼreń girobasokʼ kana menkhan Isorakʼ sinduk do tạmbure menakʼa.”

2 Samuel 7:6

Misor disạm khon Israelkoń oḍok ạguko hilokʼ khon teheń hạbicʼ jãhã oṛakʼre hõ bạń tahẽkana. Iń do tạmburege tahẽkate mitʼ tahen jaega khon eṭakʼ tahen jaegateń senlena.

Numeri 32:6

Onate Mose do Gad ar Ruben gusṭiren hoṛkoe metatʼkoa, “Aperen boehako do lạṛhạiko oḍok calakʼa ar ape do nonḍe duṛupʼ hape akanpe tahena?

Johan 13:14

Menkhan iń do Probhu ar Guru hũyạte hõ cetʼ lekań ạbukketʼpe onkage ape hõ eṭakʼkoakʼ jaṅga ạbuk lek tapea.

2Timothi 2:12

Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

1 Samuel 1:26

Hannae menkeda, “E baba, amge ińren goha dohokateń kiriạkʼ kana, iń kangeạń uni maejiu do one am samaṅre nonḍe teṅgokate Probhu Isor ṭheniń koejoṅkan tahẽkan.

1 Samuel 14:18

Sạul do Ahiyại metadea, “Am do Isorakʼ sinduk ạguiyme.” (Onako dinre sinduk do Israelko ṭhenge tahẽkana.)

1 Samuel 17:55

Dạud do uni Philisṭi sãote lạṛhại lạgitʼ calakʼe ńelkede khan Sạul do acʼren subedar Abnere kulikedea, “Henda abner, nui doe okoeren hopon kana?” Abnere roṛ ruạṛkeda, “E moharaj, amakʼ jiwi jiwetʼ lekage, iń do ohoń lại daṛelea.”

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

1 Samuel 4:4

Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.