2 Samuel 10:18 - সান্তালী বাইবেল

¹⁸ menkhan onko do Israelko samaṅ khonko dạṛkeda. Unre Dạud do onkoren eae sae rãt gạḍi cakʼlaoko ar pongel hajar aswarikoe gocʼketʼkoa. Uni do onkoren subedar Subak hõe ńẽtʼkedea; onate Subak do onḍeye gocʼena.

2 Samuel 10:18 Iomraidhean Croise

2 Samuel 10:17

Ado Dạud ona kathako baḍae ocokede khan uni do goṭa Israelren lạṛhại phạdkoe jarwaketʼkoa ar Jordan gaḍa paromkate Helamteye calaoena. Onate Aramrenko do Dạud upạrte akoren lạṛhại phạdko thạrketʼkoa,

2 Samuel 8:4

Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

1 Rapajko 11:24

Dạud do tinre sebaren lạṛhại phạdkoe gocʼetʼko tahẽkana unre Reson do thoṛa hoṛkoante luluṭ dole benaokeda ar acʼ do onaren mukhiyại hoyena. Noko hoṛko do Damesek nagrahako hatketʼte onḍe rajosṭi calaoko ehopʼ akan tahẽkana.

1 Bõsbudạ 19:18

Menkhan onko do Israelko samaṅ khonko dạṛkeda. Unre Dạud do onkoren eae hajar rãt gạḍi cakʼlaoko ar pongel hajar lạṛhại phạdkoe gocʼketʼkoa. Uni do onkoren subedar Sobok hõe gocʼkedea.

Sereńko 18:38

Onko doń marao giḍi akatʼkoa, ariń gejer caba akatʼkoa, ar alo jemonko beretʼ daṛeakʼ; ente ińakʼ jaṅga latarreko ńur akana.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 68:2

Dhũạ leka onko do oṭaṅ idikom; ar seṅgel samaṅre cherokʼkan mom leka bedhoromko do Isor samaṅ khonko mohor meṭaokʼma.

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

Bikʼcạrko 4:22

Barak do Sisera sendra sendrate onḍeye seṭerena. Unre Jayel do uni hoho ạguiye lạgitʼ bahrete oḍok hecʼenteye menkeda, “Dela hijukʼme, okoeyem sendra baṛayedekan uniń udukʼama.” Barak do uni sãote bhitrite boloyenteye ńelkedea Sisera doe gocʼakana ar uniyakʼ cạndire tạmbu reakʼ khil do bolo akana.

Bikʼcạrko 5:26

Uni do tạmbu reakʼ khile hataokeda, ar jojomtire hạtuṛe sapʼkeda; ar Siserae do khile kuṭạm jalatʼadete bohokʼe posakʼketʼtaea ar cạndireye kuṭạm tapʼadea.