2 Samuel 10:12 - সান্তালী বাইবেল

¹² Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

2 Samuel 10:12 Iomraidhean Croise

2 Samuel 10:11

Joab do acʼren boehae metadea, “Aramrenko iń khon daṛeanko hoyokʼ enḍekhan am do iń goṛowạń lạgitʼem hijukʼa, ar Amonrenko am khon daṛeanko hoyokʼ enḍekhan iń do amiń goṛowama.

2 Samuel 15:26

Menkhan uniye menkeda, ‘am cetanre bạń kusiya,’ enḍekhan uni oka bhageye hudis onage ińreye cekae ma.”

1 Bõsbudạ 19:13

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ ar dela abo do dil salakʼ bon lạṛhạilenge. Probhu Isorakʼ mẽtʼre oka bhageakʼ kan onage uni doe kạmi ma.”

2 Bõsbudạ 32:7

“Ape do daṛean ar dilanko hoyokʼpe. Ạsurren raj ar uniren saṅge lạṛhại phạdko ńelte alope botorokʼa se alope hadosokʼa, ente uni sãote okoe menakʼko onko khon abo soṅgete okoe menae uni do arhõe maraṅgea.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

Nehemiạ 4:8

Onko sanamko mitʼkate niạko soṛojontrokeda je, senkate Jerusalem upạrteko lạṛhạiya ar gulmalko ehoba.

Ester 4:16

“Am do senkate Susanre menakʼko sanam Jihudikom jarwakoa ar iń ńutumte joto hoṛ upạspe dohoya. Ape do pe siń pe ńindạ cetʼge alope jom ńũiya. Ar ape cetʼ lekape upạs onkage iń ar ińren kạ̃ṛmĩko hõle upạsa. Ona tayom ạn upạrte jãhãnakʼge hoyokʼ enhõ iń do raj ṭheniń calakʼa. Ar ona khạtirte gujukʼ hoyokʼtiń khan hõ iń doń khaṛagea.”

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Numeri 13:20

Onḍenakʼ otre bhage phosol omon akana se baṅa? Ar dare nạ̃ṛĩko menakʼa se baṅa? Ape do onḍenakʼ joko ạgui reakʼpe kurumuṭuya.” Onako din do darkha jo belekʼ reakʼ okte tahẽkana.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Dosar Biboron 31:6

Daṛeanko hoyokʼpe ar monre dil dohoype. Onko ńelte alope botorokʼa se alope thar tharaokʼa, ente Probhu Isorge ape sãoteye tahena. Uni do tishõ bae bạgiyapea.”

Dosar Biboron 31:7

Inạ tayom Mose do Josuại hohoadea ar sanam Israelko samaṅre uniye metadea, “Daṛean hoyokʼme ar monre dil joṅme ente amge noko hoṛko sãote ona disạmte calakʼ hoyokʼtama one okaṭakʼ Probhu Isor do nokoren hapṛamko ṭhen emokʼ lạgitʼe gokʼletʼ. Ar amge ona disạm do sompotti lekatem hạṭińakoa.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Ibriko 13:6

Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?

Josuạ 1:18

Ar jãhãege amakʼ hukum upạrteye teṅgokʼ ar amakʼ katha leka bae calakʼ enḍekhan uni doe gocʼ ocokʼa. Am do eken daṛean hoyokʼme ar dil dohojoṅme.”

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Bikʼcạrko 10:15

Menkhan Israelko do Probhu Isorko metadea, “Ale dole ghạṭ akada. Am okaṭakʼ bhagem hudisetʼ alere onage onkaeme baṛe, menkhan dayakate niạ dhao do rukhiyạleme.”

1 Samuel 14:12

Onkoakʼ ḍeraren hoṛko do Jonathan ar uniren khanḍa bhanḍa sasapʼicʼ hoṛko metadea, “Ale ṭhen rakapʼ hijukʼben nahãkʼle ńel ocobena.” Unre Jonathan do acʼren khanḍa bhanḍa asenicʼe metadea, “Iń tayomte rakapʼ hijukʼme. Probhu Isor do Israelkoakʼ tireye jimạ akatʼkoa.”

1 Samuel 14:6

Jonathan do acʼren khanḍa bhanḍa asenicʼ koṛae metadea, “Dela, alaṅ do begor khatna akan hoṛkoakʼ ḍera telaṅ calakʼa. Pasecʼ Probhu Isor do abon lạgitʼ jãhãnakʼe cekaea, ente uni do acʼakʼ sana lekage thoṛa hoṛkote hõ ar ḍher hoṛko bhagao daṛeakoa.”

1 Samuel 17:32

Dạud do Sạule metadea, “Uni Philisṭi ńelte okoeyakʼ mon hõ alo andesalekʼma. Amren golam doe senokʼa ar uni sãoteye lạṛhạiya.”

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

1 Samuel 4:9

E Philisṭiko, dil akae tahenpe, ar herel hopon kanpe ona baṛe udug tabonpe. Ar baṅkhan Ibriko cetʼleka aperen golamko hoylen onkage ape hõ onkoren golampe hoyokʼa. Apepe herel hopon kan ona baṛe udugpe ar lạṛhạipe.”