2 Samuel 1:23 - সান্তালী বাইবেল

²³ Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

2 Samuel 1:23 Iomraidhean Croise

2 Samuel 1:24

E Israelkoren hoponerako, Sạul lạgitʼ rakʼjoṅpe. Uni do damanakʼ arakʼ kicricʼe horokʼ akawatʼpea, apeakʼ kicricʼkore abhrankoteye sajakatʼtapea.

2 Samuel 2:18

Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.

2 Samuel 23:20

Kabsilren Jehoyada hopon Bonae do mitʼṭecʼ birbanṭa hoṛe tahẽkana. Uni hõ maraṅ maraṅakʼkoe kạmileda. Moab Ariyelren barea hopone gocʼletʼkinạ. Mitʼdin him ńurokʼ hilokʼ uni do mitʼṭecʼ danderte bolokate mitʼṭecʼ dhạcri kule gocʼledea.

1 Bõsbudạ 12:8

Gadiạkoren thoṛa hoṛ do akoakʼ dol bạgikate hahaṅkar ṭoṭha reakʼ gạṛ lekanakʼ jaegare Dạud ṭhenko hecʼlena. Onko do lạṛhạiko cetʼakatʼ daṛean birko tahẽkana. Onko do ḍhal ar borlom ṭhik lekako calao daṛeakʼkan tahẽkana. Onkoakʼ mẽtʼãhã do dhạcri kul leka botorge tahẽkana ar birren jel leka onko do ạḍi murukko dạṛ daṛeakʼkan tahẽkana.

Jobakʼ 9:26

Pạṭiol reakʼ lạukạ leka ona do sohor calakʼ kana; ona do pajhaṛ leka ạphir calakʼ kana.

Kạhtukko 30:30

Dhạcri kul do janwarko modre daṛeanicʼ janwar kanae uni do cele janwarko samaṅ khon hõ bae dạṛ pharakokʼa;

Soros sereń 5:16

Uniyakʼ galmarao do heṛemgetaea, uni do joto secʼte ạḍi hạ̃sạnicʼge. E Jerusalemren kuṛiko, ińren dulạṛiạtiń ar ińren gate doe nonkanicʼ kangea.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Bikʼcạrko 14:18

Eae din hilokʼ cando ạuriye hạsurokʼre atoren onko hoṛ do Samsonko metadea, “Dumur rasa khon do ar cetʼ heṛema? Ar dhạcri kul khon do okoeye daṛeana?” Samson do onkoe metatʼkoa, “Ińren phẽṭaṛte bape sile khan ińakʼ kudum reakʼ mane do ohogepe lại daṛelea.”

1 Samuel 18:1

Sạul tulucʼ Dạudakʼ galmaro mucạtʼen khan Jonathanakʼ jiwi do Dạudakʼ jiwi tulucʼ tolentaea. Onate Jonathan do acʼakʼ jiwi leka Dạude dulạṛkedea.

1 Samuel 20:2

Jonathane menkeda, “Tishõ baṅa, aben do baben gocʼ ocokʼa. Ńelben, ạlińren baba do huḍiń ar maraṅ jãhãn kạmige ạliń ạuriye baḍae ocoliń hạbicʼ bae kạmikana. Enḍekhan niạ katha do ạliń ṭhen khon cedakʼe danaṅa? Noa do baṅ hoedaṛeakʼa.”