2 Samuel 1:22 - সান্তালী বাইবেল

²² Gocʼ hoṛkoakʼ mãyãm ar birbanṭakoakʼ jel baṅ ńamlen khan Jonathanakʼ sar do baṅ ruạṛ hijukʼkan tahẽkana; ar Sạulakʼ tarwaṛe hõ begor tirpitte baṅ ruạṛ hijukʼkan tahẽkana.

2 Samuel 1:22 Iomraidhean Croise

Jirimiạ 50:9

Iń do utạr reakʼ disạm khon maraṅ maraṅ jạtrenkoń jarwakoa ar onkoń buskukote Babel upạrteń ạgukoa. Onko do Babel upạrte lạṛhại phạdko sapṛaokoa ar onako ạidạrijoṅa. Onkoakʼ sar do gạkhuṛ birbão hoṛko leka baṅ ạuṛiyagokʼtakoa.

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.

1 Samuel 14:48

Uni do birbanṭa leka lạṛhạikate Amalekikoe bhagaoketʼkoa ar luluṭkoakʼ ti khon Israelkoe rukhiyạketʼkoa.

1 Samuel 18:4

Uni do acʼakʼ aṅgrop bocʼkate Dạude horokʼadea, ar acʼakʼ lạṛhại reakʼ sapapʼakʼ, acʼakʼ tarwaṛe, acʼak akʼ-sar ar ḍanḍa paṭhekʼakʼ hõe emadea.