2 Samuel 1:10 - সান্তালী বাইবেল

¹⁰ Onate iń do senkate uniń gocʼkedea. Enteń bujhạu daṛeada, uni do bae bańcaokʼa. Iń do uniyakʼ bohokʼ khon mukuṭ ar uniyakʼ ti reakʼ ṭoḍoriń bocʼketʼtaea ar ińren mạlik am ṭheniń ạgu akada.”

2 Samuel 1:10 Iomraidhean Croise

2 Samuel 1:16

Dạud do unre uni koṛae metadea, “Amakʼ gujukʼ lạgitʼ dạyi dom amkangea, ente amakʼ moca kathage am upạrte gohae emeda, Probhu Isorren ojokʼ akade hoṛem gocʼ akadea mente.”

2 Samuel 1:9

Uni doe metadińạ, ‘dayakate dela nonḍe hecʼkate, gojeń me, ente ạḍi bạṛicʼ iń sasetokʼ kana ar ńitokʼ hõ jiwetʼge minạńa.’

2 Samuel 12:30

Uni do onḍenicʼ rajakʼ bohokʼ khon mukuṭe bocʼketʼtaea. Ona do pegel are keji sonate benao tahẽkana ar onare damanakʼ dhiriko hõ bạisạu tahẽkana. Ona mukuṭ do Dạudko horokʼadea. Ar Dạud do ona nagraha khon ạḍi utạr luṭakʼ jiniskoe idikeda.

2 Rapajko 11:12

Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”

Rak̕joṅ 5:16

Aleakʼ bohokʼ khon mukuṭ do ńur akana. Hae ale do, entele kại akada!

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Bikʼcạrko 9:54

Unre Abimelek do usạrate acʼakʼ khanḍa bhanḍa asenicʼ koṛae metadea, “Amakʼ tarwaṛe oḍokkate gojeńme jemon onko aloko men daṛeakʼ, ‘mitʼṭen maejiuakʼ tite uni doe gocʼ ocoakana mente.’ ” Ar onate uni koṛa do tarwaṛeteye phạṛikedea are gocʼena.

1 Samuel 22:18

Unre raj do Doege metadea, “Enḍekhan amge senkate naekeko gocʼkom.” Edomren Doeg do enhilokʼ irạlgel mõṛẽ naekeye gocʼketʼkoa. Unre naekekoakʼ hoṛmore do mĩhĩ musnạ kicricʼ reakʼ ephod tahẽkana.