2 Johan 1:8 - সান্তালী বাইবেল

⁸ Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

Santali Common Language New Testament

⁸ Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

2 Johan 1:8 Iomraidhean Croise

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Mathae 24:4

Jisui roṛ ruạṛatʼkoa, “Men sontorokʼpe, okoe hõ jemon aloko bulạupe,

Mark 13:23

Menkhan ape do sontor akae tahenpe. Ńelpe, laharege jotowakʼ iń lại dohowatʼpea.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Luk 19:19

“Uni gutiye metadea, ‘am hõ mõṛẽ goṭecʼ ato reakʼ bharem ńama.’

Luk 21:8

Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.

Johan 4:36

Okoe phosole samṭaoetʼkan uni do ńitge kuṛạiye ńameda ar jaejug jion lạgitʼ phosole doho jarwayeda. Onate itạ erokʼicʼ ar phosol samṭaoicʼ, unkin banarge mitʼ sãotekin rạskạkʼ kana.

1 Korinthiko 15:8

Ar sanamko tayom do iń lenda ṭũriạ ṭhen hõe ńel ocoyena.

1 Korinthiko 3:14

Okoe okaṭakʼe benao akatʼ onage ṭikạu tahentae khan enḍekhan uni do kuṛạiye ńama;

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

Galathiko lạgitʼ Pạul Apostolakʼ ciṭhi 3:4

Ape do cetʼ ạuṛiyakʼge dukpe jomleda? Asiń dohoyeda apeakʼ duk jom do baṅ ạuṛiyakʼ akantapea.

Galathiko lạgitʼ Pạul Apostolakʼ ciṭhi 4:11

Ape lạgitʼ noageń botorokʼ kana je, iń do ạuṛiyakʼge ape lạgitʼ iń khaṭao akan coṅ cetʼ coṅ.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Ibriko 10:32

Laha dinko reakʼ katha disạipe. Unre marsal ńamkate ape do duk jom talate hõ teṅgo ṭak akaepe tahẽkana.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Johan sodor 3:11

Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.