2Timothi 4:4 - সান্তালী বাইবেল

⁴ Onko do Isorakʼ sạriyakʼtetʼ reaṅ ańjom baṅkate kạhniko kusiyakʼa.

Santali Common Language New Testament

⁴ Onko do Isorakʼ sạriakʼtetʼ reaṅ ańjom baṅkate kạhniko kusiyakʼa.

2Timothi 4:4 Iomraidhean Croise

Kạhtukko 1:32

Lelha hoṛ do muhinteko calakʼge onkoakʼ gujukʼ reakʼ karon do hoyokʼa, bebujko do akoakʼ nicindokʼgeye ḍahao maraokoa;

Jesaea 30:10

Onko do ńeńelkoko metako kana, “Dorson do ar alope ńela,” Ar nạbi doko metakokana, “Okaṭakʼ sạrikan ona do ar alope lạiya. Ale ṭhen suk reakʼ katha lạipe; ar okaṭakʼ sạriyakʼ baṅkan onkanakʼko nạbiyalepe.

Sakariạ 7:11

“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Aposkạmi 7:57

Noa iạte onko do akoakʼ luturko tubạtʼketʼtakoa ar ãṭ aṛaṅte hohowate mitʼ domte Stephanko jhuṭiạukedea.

2 Thessalonikiko 2:11

Onate Isor do onko ṭhen nonkan mitʼṭecʼ daṛeye kola onate bhul horteye idikoa, jemon eṛeakʼreko pạtiạukʼ.

1Timothi 1:4

Ar noa hõm hukumakoa jemon onko do kạhniko ar maraṅ maraṅ bõsbudạkore mon aloko lagao. Noako do Isorakʼ kạmi baṅkate ạḍi lekan roṛ ropoṛe janam ocoya menkhan Isor cetʼlekate acʼakʼ kạmiye ạyura ona do biswạs hotetege baḍaeyokʼa.

1Timothi 4:7

Bhõnḍ ar alatʼ bakatʼ kạhniko khon sahaṛ akae tahenme; ente onako do haṛam ar buḍhikoakʼ benaoakʼ kạhni kana. Ona khon bickom Isor bhokti lạgitʼ hewakʼme.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

2Timothi 1:15

Noa dom baḍaegea, Ạsiạ disạmren sanamkoge ińko dea giḍiakadińa. Onko modre Phugelus ar Hermogenes hõ menakʼkinạ.

Titus lạgitʼ Pạul Apostolakʼ ciṭhi 1:14

ar Jihudikoakʼ kạhniko ar sạriyakʼko dea giḍiakatʼ hoṛkoakʼ hukum aloko hetawakʼ ma.

Ibriko 13:25

Ape sanamko tulucʼ Isorakʼ daya baṛe tahenma.

2 Patras 1:16

Aboren Probhu Jisuakʼ daṛe ar uniyakʼ hijukʼ reaṅ baḍae ocopere benaoakʼ jãhãn golpo do bale lại akada; ale do uniyakʼ ṭhonok nij mẽtʼtele ńelakada.