2Timothi 4:3 - সান্তালী বাইবেল

³ Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

Santali Common Language New Testament

³ Nonkan okteko hijukʼa tinre hoṛko do sạriakʼ reakʼ sikhnạt bako sahaoa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

2Timothi 4:3 Iomraidhean Croise

1 Rapajko 18:22

Unre Eliạ do onkoe metatʼkoa, “Probhu Isorren nạbiko modre eken ińge sarecʼ minạńa, menkhan Bakʼal debotaren nạbiko do pon sae tala menakʼkoa.

1 Rapajko 22:18

Unre Israelren raj Jehosaphate menkeda, “Iń do cetʼ laharege bạń men akawatʼmea, uni do iń reaṅ bạṛicʼakʼ chaḍa bhạlại reakʼ katha do bae roṛa mente?”

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

Exodus 32:33

Probhu Isor do Moseye metadea, “Okoe iń upạrteko kại akatʼ eken onkoakʼ ńutumge ińakʼ puthi khoniń meṭao giḍikatakoa.

Jesaea 28:12

Uni do onkoe metatʼko tahẽkana, “Niạ kangea ona jirạukʼ jaega do, laṅga akan hoṛ do nonḍegeko jirạu joṅma. Ńelpe, ona kangea aosan jaega do.” Menkhan onko do ona bako ańjomleda.

Jesaea 30:10

Onko do ńeńelkoko metako kana, “Dorson do ar alope ńela,” Ar nạbi doko metakokana, “Okaṭakʼ sạrikan ona do ar alope lạiya. Ale ṭhen suk reakʼ katha lạipe; ar okaṭakʼ sạriyakʼ baṅkan onkanakʼko nạbiyalepe.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jirimiạ 27:9

Onate aperen nạbiko, gonokko, ar kukmũ guruko, mãyãko, se jạdu udukʼkoakʼ katha do alope ańjomtakoa; onko do apeko metapea, Babel rajren golam do bape hoyokʼa.

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

Jirimiạ 5:31

Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Luk 20:19

Unre sostor baḍaeko ar maraṅ naekeko do Jisu sabeko menwana, enteko bujhạu daṛeada, Jisu do ako upạrtege noako kathae roṛetʼ kana; menkhan onko do hoṛkoko botoratʼkoa.

Luk 6:26

Hae ape do, joto hoṛ ape reaṅ bogeko roṛlere. Ente onkoren hapṛamkoge bhonḍ nạbikoko sarhaoetʼko tahẽkana.

Johan 8:45

Menkhan sạri kathań roṛetʼte ape do bape pạtiạuạń kana.

Aposkạmi 17:21

Onko do noa iạtegeko menkeda, ente Athensren sanam hoṛko ar ona nagrahare okoe upriạko tahẽkan onko do nãwã nãwãnakʼ babotre katha roṛ ar ańjomte okteko khemaoetʼ tahẽkana.

1 Korinthiko 2:1

E boehako, ape ṭheniń senlen tahẽkanre ar Isorakʼ bhage sombat iń jạhiratʼpe tahẽkan oktere mońj katha se ạḍi akelan hoṛ leka do bạń galmarao akawatʼpea.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkantińạ, bickom onare sonot Jiuakʼ daṛege ńelokʼkan tahẽkana,

Galathiko lạgitʼ Pạul Apostolakʼ ciṭhi 4:16

Ar ńitokʼ do cetʼ sạri katha roṛte aperen bạiriń hoyakana?

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt upạrte eṭakʼ jãhãnakʼko kạmikan onkanko lạgitʼge noa do emakana.

2Timothi 1:13

Iń ṭhen khon okam ańjomakatʼ ona sạriyakʼ reakʼ sikhnạt do nạmuna lekate sapʼ dohoyme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janam akan ona sapʼ dohojoṅme.

Jihudạwakʼ ciṭhi 1:18

Onko do noa kathako lạiyape kan tahẽkana, “Okoeko siṛog baṛayetʼ tahẽkan onko do mucạtʼ oktereko hijukʼa ar Isor bebhokti ar bạṛicʼ sanako senakʼa.”