Biblia Todo Logo
Bìoball air-loidhne

- Sanasan -




2Timothi 4:17 - সান্তালী বাইবেল

17 Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Faic an caibideil Dèan lethbhreac

Santali Common Language New Testament

17 Menkhan Probhu do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Faic an caibideil Dèan lethbhreac




2Timothi 4:17
35 Iomraidhean Croise  

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.


Onko dhạcri kulkoakʼ moca khon de bańcaoińme. Onko bir sanḍ ḍaṅgrawakʼ dereń khon hõ amgem rukhiyạ kedeńạ.


Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.


Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.


Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.


E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.


Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.


Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”


Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”


Hoṛkoko soprot lepere alope bhabnakʼa cetʼ leka se cetʼkope roṛa mente. Ente cetʼko roroṛ hoyokʼa ona do unregepe lại ocokʼa.


Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.


ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.


Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”


Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”


Koejoṅpe, Jihudiạre okoe do Isorko henostawekan onkoakʼ ti khon jemon rukhiyạń ńam, ar Jerusalemre Isorren hoṛko jemon ińakʼ noa goṛoko ataṅ daṛeakʼ.


Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.


Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.


Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.


Ado E bachatiń, Mạsi Jisuakʼ dayate am do daṛeanicʼ hoyokʼme.


ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.


Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.


Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.


Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.


Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,


Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.


Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.


Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”


Lean sinn:

Sanasan


Sanasan