2Timothi 3:5 - সান্তালী বাইবেল

⁵ Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Santali Common Language New Testament

⁵ Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛege onko doko baṅetʼkana. Nonkan hoṛko khon do pharak akae tahenme.

2Timothi 3:5 Iomraidhean Croise

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

2 Thessalonikiko 3:14

Noa ciṭhire olakʼ aleakʼ katha jãhãe bae batao khan, enḍekhan uni do ńel oromkaepe. Ar uni tulucʼ ape do gate hõ alope gatekʼa jemone lajaokʼ.

2 Thessalonikiko 3:6

E boehako, aboren Probhu Jisu Mạsi ńutumte noale hukumape kana, jodi jãhãe ḍhilisiliye colonetʼ khan ar ale ṭhen khon oka cecetʼakʼpe ńamakatʼ ona bae senakʼ kan khan, enḍekhan uni tulucʼ do alope helmelokʼa.

1Timothi 4:7

Bhõnḍ ar alatʼ bakatʼ kạhniko khon sahaṛ akae tahenme; ente onako do haṛam ar buḍhikoakʼ benaoakʼ kạhni kana. Ona khon bickom Isor bhokti lạgitʼ hewakʼme.

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

1Timothi 5:8

Okoe acʼren peṛako, asokaete apnar gharońjrenko bae ńel jutko uni do biswạse baṅ akada; ar bepạtiạuicʼ khon hoe bạṛicʼgea.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

2Timothi 2:16

Isor be bhokti ar bạṛicʼ kathako khon sahaṛokʼme, ente nonkan katha iạte hoṛkoakʼ monre Isor bhokti do kom idikʼa.

2Timothi 2:23

Lelha, hohakʼ ar reṭe peṭekʼre alom seledokʼa, ente am dom baḍaegea onako do jhogṛae janam ocoya.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Titus lạgitʼ Pạul Apostolakʼ ciṭhi 3:10

Okoe hoṛ bhul cecetʼatʼte dola duliye hoeocoyetʼ uni do pạhilre mitʼ dhao, ar tayomte arhõ dosar dhao sontorkaeme. Ar noate kạmi baṅ hoylen khan uni tulucʼ do gate hõ alom gatekʼa.