2Timothi 3:2 - সান্তালী বাইবেল

² Manwa do eken apnargeko dulạṛokʼa, onko do ṭaka-poesako dulạṛa, usul monan ar nindạukoko hoyokʼa, durnamko gahao baṛaea, ar eṅga apa bebataokoko hoyokʼa. Onko do bebatao ar bebhoktikoko hoyokʼa,

Santali Common Language New Testament

² Manwa do eken apnargeko dulạṛokʼa, onko do ṭaka-poesako dulạṛa, usul monan ar nindạukoko hoyokʼa, durnamko gahaoa, ar eṅga apa bebataokoko hoyokʼa. Onko do bebatao ar bebhoktikoko hoyokʼa,

2Timothi 3:2 Iomraidhean Croise

Sereńko 10:3

Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Kạhtukko 6:17

bạḍạite perecʼ mẽtʼ, eṛe alaṅ, miridoskoakʼ mãyãme joro ocoyicʼ ti,

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 7:25

Maraṅ Isor upạrte uni do kathae roṛa ar uniren hoṛkoe santaokoa. Uni do niṭakatʼ dinko hạbicʼ ar ạn-ạriko bodol reakʼe kurumuṭuya. Isor do onko hoṛko pe bochor tala hạbicʼ uniyakʼ tireye jimạkoa.

Mathae 15:6

enḍekhan uni do eṅgat se apat manotkin reakʼ jạruṛ bạnukʼtaea. Apeakʼ noako ạri-cạli iạtege ape do Isorakʼ kathape mạutạ akada.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aposkạmi 5:36

Ente niạko din lahare Theudase ńutuman mitʼṭen hoṛ do hecʼkate apnarte mitʼṭen bises hoṛkanae menteye dạbileda, ar ponsae gan hoṛ uni tulucʼko seletʼlena. Uni doe gocʼ ocoyena ar uniren sanam soṅgetenko doko chirchạturena. Ar noate uni do joto ạuṛiyakʼentaea.

Romiko lạgitʼ Pạul Apostolakʼ ciṭhi 11:18

ar rạputʼ giḍiakatʼ ḍạrko khon apnar do maraṅ alom hudisokʼa. Arem hudisokʼkan khan enḍekhan disạime, rehetʼ do bam sapʼ ṭahraoetʼ kana bickom rehetʼge am doe sapʼ ṭahraoetʼmea.

2 Korinthiko 5:15

Uni do sanamko ńutumteye gocʼlena jemon okoe jiwetʼ menakʼko onko do apnar lạgitʼ jiwetʼ aloko tahen, bickom okoe onko lạgitʼe gocʼlen are jiwetʼ beretʼen uni lạgitʼ jiwetʼko tahen.

Philipiko lạgitʼ Pạul apostolakʼ ciṭhi 2:21

Ente eṭakʼ sanamkoge Jisu Mạsi reakʼakʼko ńam baṅkate apnar reakʼakʼgeko ńam bakʼṛakana.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

1Timothi 1:20

Onko hoṛ modre Humenaeos ar Aleksander hõ menakʼkinạ. Onate unkin do Soetanakʼ tireń aṛakʼ akatʼkinạ, jemon noa sikhạunakin ńam baṅma, Isor opomane do baṅ ṭhika.

1Timothi 1:9

Ar noa hõ bon baḍaea, jãhãe dhorom hoṛ lạgitʼ noa ạn do baṅ emakana; menkhan bemanotko, bebataoko, bebhoktiko, kại hoṛko, besonotko, bedhoromko, eṅgat-apat gogocʼko, khũniạhiko,

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1Timothi 6:4

Uni do cetʼge bae baḍaere hõ jhogṛa ar katha rapṭa rạpṭire ạḍi bạ̃ṛtiye capao akana. Noako reakʼ jo do hiskạ, jhogṛa, nindạu, bạṛicʼ hudis,

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Johan sodor 13:1

Noa tayom iń do mitʼṭen janwar jalapuri khon rakapʼ hijukʼ kaniń ńelkedea. Uniyakʼ do gel goṭecʼ dereń ar eae goṭecʼ bohokʼ tahẽkantaea. Ona dereńko cetanre gel goṭecʼ mukuṭ tahẽkana ar bohokʼko cetanre Isor henostawae reakʼ aema ńutum ol tahẽkana.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.