2Timothi 2:7 - সান্তালী বাইবেল

⁷ Iń okań menetʼkan ona do alom bhabnakʼa, ente Probhu Isorge jotowakʼ reaṅ bujhạu lạgitʼ daṛeye emama.

Santali Common Language New Testament

⁷ Iń okań menetʼkan ona do alom bhabnakʼa, ente Probhuge jotowakʼ reaṅ bujhạu lạgitʼ daṛeye emama.

2Timothi 2:7 Iomraidhean Croise

1 Bõsbudạ 22:12

Probhu Isor do Israelko ḍanṭaoko reakʼ bhar tinre am cetanreye emokʼa unre uni do bud ar ạkil hõe jimạwama jemon amren Probhu Isorakʼ ạn-ạrikom dohoytae.

1 Bõsbudạ 29:19

Ińren hopon Solomon do khạtirjoma danaeme jemon amakʼ hukum, amakʼ katha ar amakʼ niạmkoe palon daṛeakʼ ar iń okaṭakʼ dalan benao lạgitʼ iń sapṛao akatʼ ona jemone benao daṛeakʼ.”

Sereńko 119:125

Iń do amren golam kạnạń; bujhạu lạgitʼ daṛe imạńme jemon iń do amakʼ kathań bujhạu daṛeakʼ.

Sereńko 119:144

Amakʼ sanam kathako do jaejug dhoromte perecʼgea; ona bujhạu lạgitʼ daṛe emạńme jemon jiwetʼ iń tahẽ daṛeakʼ.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Sereńko 64:9

Unre sanamkoakʼ monre botor caṛhao akoa; ar Isor okaṭakʼe ceka akatʼ onko do onako lại sodora ar ona kathageko moneyakʼa.

Kạhtukko 24:32

Ar okań ńelketʼ onań ạribạndhikeda, ar ona ńelte noa cecetʼakʼiń ńamkeda,

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

Jesaea 28:26

Uniren Isorge uni doe hukumaea ar ṭhik hor reakʼe cetʼaea.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Daniel 1:17

Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Luk 24:45

Uni do sonot sostor bujhạu ocoko lạgitʼ celakoakʼ bude jhicʼketʼtakoteye metatʼkoa,

Luk 9:44

“Ińakʼ noako katha monre rebetʼ dohoype, ente Manwa Hopon do hoṛkoakʼ tireko soprotea.”

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

1 Korinthiko 12:8

Adom adom hoṛ do uni sonot Jiu hotete akel reakʼ kathako roṛeda.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriyakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneyakʼpe.

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.

1Timothi 4:15

Noako kạmi idire mone lagaome; ar onakorege tahẽakan tahenme. Jemon sanamkoko ńelme, am dom laha idikʼkana mente.

2Timothi 2:6

Mehnotetʼkan cacas hoṛge pạhilre do phosol reakʼ bhag hatao lek kanae.

2Timothi 2:8

Jisu Mạsi reaṅ noa katha disạ dohoyme, uni do gocʼko khone jiwetʼ beretʼ ocolena ar Dạud bõsren hoṛe tahẽkana. Okaṭakʼ bhage sombat iń porcaretʼkan onarege noa katha do ol menakʼa,

Ibriko 12:3

Okoe do kại hoṛkoakʼ nunạkʼ maraṅ bạiriye sahaoketʼ, uni reaṅ hudisokʼpe, jemon apeakʼ mon alo nijorokʼ ar be asko alope hoyokʼ.

Ibriko 13:7

Okoe ape ṭhen Isorakʼ kathako lại jạhirletʼ tahẽkan, onko mukhiyạkoakʼ kathako disạipe. Onkoakʼ jion cạrit reakʼ mucạtʼ jo mońjte beṅgetʼakʼpe ar onko leka biswạs dohoype.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ibriko 7:4

Ado ma ńelpe, Melkisedek do tinạkʼe maraṅa; aboren ạgil hapṛam Abraham hõ sanamakʼ reakʼ gel hạṭiń reakʼ mitʼ hạṭiń uniye emade tahẽkana.

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Jakob 3:15

Nonkan akel serma khon do baṅ pheḍ hijukʼa, bickom ona reakʼ jopoṛao do dhạrti reakʼ bạṛicʼ sana ar bạṛicʼ jiuko sãotege;

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.