2Timothi 2:26 - সান্তালী বাইবেল

²⁶ Onate onko do Soetanakʼ jhạli khonko ńir paskaokʼa, ente Soetan do acʼakʼ sana purạu lạgitʼge onkoe sapʼ dohoakatʼko tahẽkana.

Santali Common Language New Testament

²⁶ Onate onko do Soetanakʼ jhạli khonko ńir paskaokʼa, ente Soetan do acʼakʼ sana purạu lạgitʼge onkoe sapʼ dohoakatʼko tahẽkana.

2Timothi 2:26 Iomraidhean Croise

Jobakʼ 1:12

Unre Probhu Isor do Soetane metadea, “Bhagegea, uniyakʼ okako menakʼ ona do amakʼ tireń jimạkeda, menkhan uniyakʼ hoṛmo cetanre mitʼṭecʼ kạṭupʼ hõ alom calaoa.” Unre Soetan do Probhu Isor samaṅ khone oḍok calaoena.

Jobakʼ 2:6

Unre Probhu Isor do Soetane metadea, “Bhagegea; uni do amakʼ tireń jimạkedea, menkhan uni do alom gojea.”

Sereńko 124:7

Aboakʼ jiwi do cẽṛe leka paskaoena jhạkʼlikoakʼ pạsi khon; pạsi topakʼena ar abo do rukhiyạ bon ńamkeda.

Jesaea 28:13

Onatege onko ṭhen Probhu Isorakʼ katha do hoyokʼa, “sikhạuna upạr sikhạuna, sikhạuna upạr sikhạuna. Thar upạr thar, thar upạr thar. nonḍe thoṛa hanḍe thoṛa,” Jemon onko do taṛamle khange sạmbirteko bhindạṛokʼ arko hạnokʼte pạsireko sapʼ ṭarhaokʼ.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 8:15

Onko modre ḍherkogeko tohodokʼa. Onko doko tohotʼ bhindạṛokʼa arko rạputʼ gejerokʼa; ar pạsiteko sabokʼa.”

Luk 11:21

“Mitʼṭen daṛe hoṛ do sanam lekan khanḍa bhanḍawate acʼakʼ oṛakʼe horhotae khan uniyakʼ jinisko do nirạige tahentaea.

Luk 15:17

“Ado mitʼ din cetao hecʼadeteye menkeda, ‘ạpuńren unạkʼ unạkʼ gutiko do sareṛokʼ leka jomakʼko ńameda, menkhan iń do nonḍe reṅgecʼteń gujukʼkana.

Luk 5:10

Onkage Jakob ar Johanko metakin Sabdaeren banar hopon hõkin hahaṛayena. Unre Jisu do Simone metadea, “Alom botorokʼa; ńitokʼ khon am do hoṛ sasapʼ hoṛem hoyokʼa.”

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Johan 13:27

Piṭhạ kecakʼe ńamketʼ khan Soetan do Jihudạreye boloyena. Jisu do uniye metadea, “Okaṭakʼ cekayem menetʼkan ma usạraeme.”

Aposkạmi 5:3

Unre Patrase menkeda, “Henda Ananiạs, Soetan do amakʼ mon cekate nonkae perecʼketʼtama, am do sonot Jiu ṭhen eṛe katham roṛ akada ar jumi ạkhriń reakʼ ṭaka khon thoṛa do am lạgitʼem dohokeda?

1 Korinthiko 15:34

Onate ape do apeakʼ monre cetaokʼpe ar alope kạiya. Ente ape modre adomko do Isor bako oromakadea; iń do lajao ocope lạgitʼge noa katha doń roṛeda.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

1Timothi 1:20

Onko hoṛ modre Humenaeos ar Aleksander hõ menakʼkinạ. Onate unkin do Soetanakʼ tireń aṛakʼ akatʼkinạ, jemon noa sikhạunakin ńam baṅma, Isor opomane do baṅ ṭhika.

1Timothi 3:7

Bahre hoṛko ṭhen uniyakʼ do bhage goha tahen jạruṛtaea, jemon durnamre ar Soetanakʼ jhạlire aloe ńurokʼ.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.