2Timothi 2:16 - সান্তালী বাইবেল

¹⁶ Isor be bhokti ar bạṛicʼ kathako khon sahaṛokʼme, ente nonkan katha iạte hoṛkoakʼ monre Isor bhokti do kom idikʼa.

Santali Common Language New Testament

¹⁶ Isor be bhokti ar bạṛicʼ kathako khon sahaṛokʼme, ente nonkan katha iạte hoṛkoakʼ monre Isor bhokti do kom idikʼa.

2Timothi 2:16 Iomraidhean Croise

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

1 Korinthiko 5:6

Sarhaokʼ do ape lạgitʼ baṅ bhagea. Ape do cetʼ bape baḍaea je, kạṭicʼ culuṅ khạmi do joto sipiyakʼ holoṅgeye phulạu ocoya mente? Ape khon ona mare khạmi baṛe oḍok giḍikakʼpe;

1Timothi 1:9

Ar noa hõ bon baḍaea, jãhãe dhorom hoṛ lạgitʼ noa ạn do baṅ emakana; menkhan bemanotko, bebataoko, bebhoktiko, kại hoṛko, besonotko, bedhoromko, eṅgat-apat gogocʼko, khũniạhiko,

1Timothi 4:7

Bhõnḍ ar alatʼ bakatʼ kạhniko khon sahaṛ akae tahenme; ente onako do haṛam ar buḍhikoakʼ benaoakʼ kạhni kana. Ona khon bickom Isor bhokti lạgitʼ hewakʼme.

1Timothi 6:20

E Timothi, oka jogao doho lạgitʼ jimạ akawatʼme ona do bes okocʼte horho doho akae tahenme; ạuṛiyakʼ akel reakʼ bebhokti roṛ ar eṛe cecetʼakʼ khon sahaṛ akae tahenme.

2Timothi 2:14

Noako katha do hoṛko disạ ocokom. Ar Isor samaṅre sontorkom jemon ạuṛiyakʼ kathakote aloko reṭepeṭekʼ. Noa reakʼ do cetʼ damge bạnukʼa, bickom okoe onako ańjom onko doko bangla bhaṭokʼa.

2Timothi 2:21

Okoe do noako bemanotakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhu Isorakʼ kạmireye lagaokʼa ar sanam lekan bhage kạmi lạgitʼ tear akane tahena.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Titus lạgitʼ Pạul Apostolakʼ ciṭhi 1:14

ar Jihudikoakʼ kạhniko ar sạriyakʼko dea giḍiakatʼ hoṛkoakʼ hukum aloko hetawakʼ ma.

Titus lạgitʼ Pạul Apostolakʼ ciṭhi 3:9

Menkhan bebuj leka ṭheṭa baṛae, bõs budạ, jhogṛa-jhạṭi ar ạn-ạrikote reṭepeṭekʼ khon am do sạṅgińre tahenme, ente noakore jãhãn lab do bạnukʼa; ar noako do ạuṛiyakʼgea.

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

2 Patras 2:2

Ar ḍher hoṛge onko ńelte lucạ lamoṭkoko hoyokʼa. Onko iạtege sạriyakʼ reakʼ hor do nindạu ocokʼa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 13:3

Uniyakʼ bohokʼko modre mitʼ goṭen do gujukʼ dạkhil ghạl akantae tahẽkana, menkhan ona ghạl do bogeyentaea. Onate dhạrtiren sanam hoṛko hahaṛakʼ tulucʼ uni janwarko pańja idikedea.