2Timothi 2:15 - সান্তালী বাইবেল

¹⁵ Okoe cetanre Isor doe dhirpurge, metakʼme, okoeyakʼ do lajaokʼ reakʼ jãhãn karonge bạnukʼ onkan kạmiyạ hoṛ lekate ar sạriyakʼ reakʼ katha ṭhikteye beoharetʼkan onkan hoṛ leka apnartetʼ Isor samaṅre teṅgokʼ lạgitʼ kurumuṭuime.

Santali Common Language New Testament

¹⁵ Okoe cetanre Isor doe dhirpurge, metakʼme, okoeakʼ do lajaokʼ reakʼ jãhãn karonge bạnukʼ onkan kạmiyạ hoṛ lekate ar sạriakʼ reakʼ katha ṭhikteye beoharetʼkan onkan hoṛ leka apnartetʼ Isor samaṅre teṅgokʼ lạgitʼ kurumuṭuime.

2Timothi 2:15 Iomraidhean Croise

Mathae 13:52

Unre Jisui metatʼkoa, “Serma raj reaṅko cetʼ akawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nãwãnakʼ ar mareakʼkoe oḍokketʼ.”

Mark 4:33

Nonkage Jisu do arhõ ạḍi utạr phenkote Isorakʼ kathakoe galmaraoako kan tahẽkana. Ar tinạkʼ ganko bujhạu daṛeakʼkan tahẽkan inạkʼgeye lại akokan tahẽkana.

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Romiko lạgitʼ Pạul Apostolakʼ ciṭhi 16:10

Mạsiren hoṛ lekate uni doe biḍạu ocoakana. Aristobulus gharońjrenko hõ joharakope.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

2 Korinthiko 10:18

ente apnarte sarhaokʼicʼ do okoe hõ bhage mente bae sạbudokʼa, bickom Probhu Isor okoeye sarhaoe unige bhage menteye sạbudokʼa.

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

2 Korinthiko 5:9

Onate hoṛmo oṛakʼre bon tahen ar babon tahen, aboakʼ kurumuṭu do hoyokʼ kana Probhu Isore kusi ocoyege.

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Ephesiko lạgitʼ Pạul Apostolakʼ ciṭhi 1:13

Ar apeko hõ sạriyakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

1 Thessalonikikko 2:4

bickom lek kanale mente bhage sombat baḍae ocoko reakʼ bhar Isor do alereye emakatʼte ona lekatele roṛeda. Manwa kusi ocoko lạgitʼ do baṅ menkhan okoe aboakʼ ontore biḍạu aṭkaretʼ uni Isor kusi ocoye lạgitʼgele roṛeda.

1 Thessalonikikko 5:14

E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

Ibriko 4:11

Onate dela, ona jirạu ńam lạgitʼ bon ahkaokʼma. Okoe hõ jemon onko bebatao Israelko leka Isor bemanotete uniyakʼ jirạu khon aloko eṛanokʼ.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

2 Patras 1:10

Onate E boehako, sạrige Isor do apeye hohoakatʼpe are bachao akatʼpe ona khạṭi ocoy lạgitʼ arhõ bạ̃ṛti jid monanko hoyokʼpe. Ar noakope nonka lekhan tis hõ ohope tohotʼlena.

2 Patras 1:15

Ińakʼ gujukʼ tayom hõ jemon noako reaṅ jaogepe disạ dohoy, onate iń do ona bondobos lạgitʼ ạḍiń kurumuṭuya.

2 Patras 3:14

E dulạṛiạ boehako, ape do ńitokʼ noako lạgitʼpe koyokʼ horetʼkante murukte kurumuṭuipe jemon uni do niphuṭ ar dhoromre sulukte tahẽakane hecʼńampe.