2Timothi 1:7 - সান্তালী বাইবেল

⁷ Ente Isor do ḍurukiạ jiu do bae emakatʼbona; bickom nonkan jiugeye emakana, one unire do daṛe, dulạṛ ar apnar sambṛaokʼ reakʼ ektiạri menakʼ.

Santali Common Language New Testament

⁷ Ente Isor do ḍurukiạ jiu do bae emakatʼbona; bickom nonkan jiugeye emakana, one okaṭakʼre do daṛe, dulạṛ ar apnar sambṛaokʼ reakʼ ektiạri menakʼ.

2Timothi 1:7 Iomraidhean Croise

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

Kạhtukko 2:7

Uni do khạṭi ontorren hoṛko lạgitʼ bude jogao dohoyeda; ar dhoromte okoeko calakʼkan, onkoren ḍhale hoyokʼte

Kạhtukko 8:14

Solha ar sạri bidiạ do ińrege; buj do ińge, jor hõ ińge.

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Luk 10:19

Ńelpe, iń do biń ar kidińko cetanre lebedokʼ reakʼ daṛe, ar aperen bạiri Soetanakʼ sanam lekan daṛe cetanre hõ ektiạriń em akatʼpea. Onate jãhãnakʼtege ohope hạ̃nlena.

Luk 15:17

“Ado mitʼ din cetao hecʼadeteye menkeda, ‘ạpuńren unạkʼ unạkʼ gutiko do sareṛokʼ leka jomakʼko ńameda, menkhan iń do nonḍe reṅgecʼteń gujukʼkana.

Luk 24:49

Ńelpe, ińren Baba okaṭakʼ emokʼ reakʼe gokʼakatʼ, onań kolapea. Serma khon daṛe ạuripe ńam hạbicʼ ape do noa nagraharege tahẽ hataṛokʼpe.”

Luk 8:35

Unre hoṛko do cetʼ hoyakana mente ńel lạgitʼ bahreteko oḍok hecʼena. Ado Jisu ṭhenko seṭeren khan bhut capaṛ akawade hoṛ do kicricʼ horokʼ akatʼ ar mạ̃hir monte Jisuakʼ jaṅga ṭhen duṛupʼ akanko ńelkedea. Noa ńelte onko do botor caṛhaoatʼkoa.

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 26:11

Onko sạjạiko lạgitʼ mitʼ sunạgog khon eṭakʼ sunạgog hạbicʼ iń calakʼkan tahẽkana ar Jisu birudre katha roṛ lạgitʼ iń jormoṭetʼko tahẽkana. Onko cetanre nunạkʼ ãṭ raṅgao tahẽkantińạ je, onko khedko lạgitʼ bides reakʼ nagrahako hạbicʼ hõń calakʼkan tahẽkana.

Aposkạmi 26:25

Unre Pạule menkeda, “Manotan Phestus, iń do bạń pagla akana. Okań roṛetʼkan ona do sạriyakʼ ar soteteakʼ kathageń roṛeda.

Aposkạmi 6:8

Stephan do Isorakʼ daya ar daṛeteye perecʼente hoṛko talare ạḍi lekan cinhạko ar hahaṛa kạmiko kạmiye ehopʼena.

Aposkạmi 9:22

Menkhan Sạul do arhõe daṛe idiyena ar Jisuge Mạsikanae menteye sạbudkedea. Noate Damesekren Jihudiko do ạḍiko tharbasaoena.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

1 Korinthiko 2:4

ińakʼ porcar ar ińakʼ roṛre hoṛko rạmjạu ocoko leka akelte perecʼ bidiyạ hõ baṅ tahẽkantińạ, bickom onare sonot Jiuakʼ daṛege ńelokʼkan tahẽkana,

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Kolossiko lạgitʼ Pạul Apostolakʼ ciṭhi 1:8

Sonot Jiu do dulạṛ reakʼ okaṭakʼ mone dan akawatʼpe ona reaṅ Epaphras do ạlińe baḍae ocoakatʼlińa.

Ibriko 2:15

Ar gujukʼ botorte okoe jiwetʼ jonom golamko tahẽkan onko jemone chaḍaoko.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Johan 4:18

Noa dulạṛre do botor bạnukʼa, bickom purạ dulạṛ do botore oḍok giḍiya, ente botorre do sạjại menakʼa. Okoeye botorokʼ kan uni do dulạṛre purạte bae sạbit utạr akana.