2Timothi 1:3 - সান্তালী বাইবেল

³ Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

Santali Common Language New Testament

³ Ińren mare hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

2Timothi 1:3 Iomraidhean Croise

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Aposkạmi 22:3

“Iń doń Jihudi hoṛkana. Kilikiạ reakʼ Tạrsus nagrahareń janamlena, menkhan noa nagraharegeń hara akana. Gamalielakʼ jaṅga pheḍre duṛupʼkate aboren hapṛamkoakʼ ạn-ạriko mońjteń cetʼakada. Isor reaṅ teheń ape cetʼ lekape gagojokʼkan onkage iń hõń gagojokʼkan tahẽkana.

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 24:14

Iń do noa katha am ṭheniń aṅgoceda je, Jisu Mạsiyakʼ hor, okaṭakʼ do onko dhorom birudko metakʼkan, iń do ona horrege ińren hapṛamkoren Isoriń sewawae kana. Moseyakʼ ạn-ạri sãote okaṭakʼ juri menakʼ onare ar nạbikoakʼ olakʼre hõń pạtiạukʼ kana.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Aposkạmi 26:4

“Iń do gidrạ khonge, metakʼme ińakʼ jion reakʼ pạhil khon ińakʼ disạmre ar tayomte Jerusalemren hoṛko talare cetʼlekan jioniń khemaoetʼ tahẽkan ona do sanam Jihudikoko baḍaegea.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Romiko lạgitʼ Pạul Apostolakʼ ciṭhi 9:1

Mạsi tulucʼ mitʼakanteń meneda, iń do ontorre ạḍi duk ar ạḍi kosṭoń ńameda, ar noa do sạri katha kana, eṛe do baṅa. Ińakʼ bibek hõ sonot Jiure jopoṛao tahẽkate inạ mitʼ gohageye emeda.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Galathiko lạgitʼ Pạul Apostolakʼ ciṭhi 1:14

Iń umerren aema Jihudiko khon hõ ona dhoromre iń do ạḍitetʼ iń laha idilena. Ona chaḍa ińren hapṛamko ṭhen khon okako ạri-cạli hecʼ ạguakan ona reaṅ hõ ạḍi jidiń tahẽkana.

Ephesiko lạgitʼ Pạul Apostolakʼ ciṭhi 1:16

un khonge ape ńutumte gun manao johar emokʼ do baṅgeń thir akana.

1 Thessalonikikko 3:10

Ale do siń ńindạ Isorle nehõrae kana, jemon ape tulucʼle ńepel ńapam daṛeakʼ ar apeakʼ biswạsre oka reṅgecʼ menakʼtape onale purun daṛeakʼ.

1Timothi 1:19

Ona sãote biswạs ar bhage bibek dohojoṅme. Adom hoṛ do bibek reakʼ katha bako ańjometʼkante biswạsre tạkicʼakʼko janam ocoyeda.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.

2Timothi 1:5

Amakʼ ontorre menakʼ sạri biswạs reakʼ katha hõ disạ menakʼ getińa. Ar noa biswạs do amren goṛom ayo Loisre ar amren eṅgam Eunikere girobas akankin tahẽkana, ar ińiń baḍaea, noa biswạs do amakʼ ontorre hõ menakʼgea.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Ibriko 13:8

Jisu Mạsi do hola cetʼlekae tahẽkan, teheń hõ onkage menaea ar jaejug hạbicʼ hõ onkageye tahena.

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.