1 Samuel 9:9 - সান্তালী বাইবেল

⁹ (Lahateakʼ dinkore Israel disạmren jãhãe hoṛ Isor ṭhen khon jãhãnakʼ reaṅ baḍae joṅko men khan onko do calakʼ lahareko menetʼ tahẽkana, “Dela, ńeńelicʼ ṭhen bon calakʼa.” Ar ńitokʼ okoe do nạbiye men ocokʼkan uni do lahateakʼ dinkore ńeńelicʼe men ocokʼkan tahẽkana.)

1 Samuel 9:9 Iomraidhean Croise

Genesis 25:22

Uniyakʼ kukhire jawa gidrạkin janamena ar unkin do ạkin talare kin ṭhela ṭhilikʼkan tahẽkana. Onate Rebekae menkeda, “Iń do cedakʼ nonka doń ạikạueda?” Ar ona baḍae lạgitʼ uni do Probhu Isor ṭhene kuliyana.

2 Samuel 24:11

Dosar hilokʼ setakʼre Dạud do jạpitʼ khone beretʼen khan uniren ńeńelicʼ, metakʼme Gad nạbi ṭhen Probhu Isorakʼ katha do sodorena,

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

1 Bõsbudạ 21:9

Unre Probhu Isor do Dạudren gonok nạbi Gade metadea,

1 Bõsbudạ 26:28

Ona chaḍa ńeńelicʼ Sạmuel, Kisren hopon Sạul, Nerren hopon Abner ar Soruaren hopon Joab do okako jinis Isor ńutumteko begar doholetʼ, metakʼme begar dohoakatʼ sanamakʼ jinisko ńel todarot reakʼ bhar do Solomoth ar uni bõsren hoṛko cetanre tahẽkana.

1 Bõsbudạ 29:29

Ar ńeńelicʼ Samuelren nạbi Nathan ar ńeńelicʼ Gad reakʼ itihãs puthire Dạud raje rajokʼ reakʼ sanam kathako do etohopʼ khon mucạtʼ hạbicʼ ol menakʼa.

1 Bõsbudạ 9:22

Duạrko horhoe lạgitʼ okoeko bachao ocolen tahẽkan onkoakʼ lekha do jotote barsae gelbar hoṛko tahẽkana. Ar onkoakʼ atokore okoekoakʼ bõsbudạ tahẽkan onkoakʼ ńutum ol tahẽkana. Dạud ar Sạmuel do noko hoṛkoge dạyikan pahradarko mentekin bahaletʼkoa.

2 Bõsbudạ 16:10

Niạ katha ańjomkate uni do ńeńelicʼ cetanre ạḍiye raṅgaoente hajot khanareye bhoraokadea. Ar onako dinre Asa raj do adom hoṛko cetanreye julumkeda.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

Jesaea 29:10

ente Probhu Isor do ape cetanre mitʼṭecʼ jạpitʼe ạguakada; apeakʼ mẽtʼ do nạbiko kana, apeakʼ ona mẽtʼ uni doe bond akada ar apeakʼ bohokʼ do cholte ńeńelkoakʼ kana, apeakʼ ona bohokʼ doe poṭom akatʼtapea.

Jesaea 30:10

Onko do ńeńelkoko metako kana, “Dorson do ar alope ńela,” Ar nạbi doko metakokana, “Okaṭakʼ sạrikan ona do ar alope lạiya. Ale ṭhen suk reakʼ katha lạipe; ar okaṭakʼ sạriyakʼ baṅkan onkanakʼko nạbiyalepe.

Amos 7:12

Unre Amasiạ do Amose metadea, “E ńeńelicʼ, am do sạṅgińokʼme. Ar Jihudạ disạmte calakʼme. Onḍege nạbiyme ar jom ạsulokʼme.

1 Korinthiko 12:17

Ar goṭa hoṛmoge mẽtʼ hoylen khan, enḍekhan ańjom reakʼ daṛe do okare tahẽkokʼa? Ar goṭa hoṛmoge lutur hoylen khan, enḍekhan ji reakʼ daṛe do okare tahẽkokʼa?

Bikʼcạrko 1:1

Josuạwakʼ gujukʼ tayom Israelko do Probhu Isorko kulikedea, “Kananrenko sãote lạṛhại lạgitʼ pạhilte do okoeye calakʼtalea?”

Bikʼcạrko 18:5

Onko do uniko metadea, “Dayakate am do Isor ṭhen khon baḍaeme aleakʼ dãṛãn do jo bahakʼtalea se baṅa.”

1 Samuel 9:10

Sạul do acʼren gutiye metadea, “Besgem menakada; dela, alaṅ hõ onḍe laṅ calakʼa.” Ar noa menkate unkin do Isorren hoṛ oka nagrahareye tahẽkan onḍekin senena.