1 Samuel 9:7 - সান্তালী বাইবেল

⁷ Sạul do acʼren gutiye metadea, “Onḍe laṅ calakʼ khan tobe do uni hoṛ lạgitʼ cetʼ laṅ iditoraea? Alaṅakʼ thạilạkʼre oka jomakʼ tahẽkan ona ma cabayen. Isorren hoṛ emae leka jãhãn sandes hõ bạnukʼ talaṅa. Menkhan cetʼ menakʼtalaṅa?”

1 Samuel 9:7 Iomraidhean Croise

1 Rapajko 13:7

Raj do Isorren hoṛe metadea, “Ińakʼ oṛakʼre hecʼkate jom-ńũiyme ar iń do mitʼṭecʼ sandesiń emama.”

1 Rapajko 14:3

Am do soṅgete gel goṭecʼ piṭhạ, thoṛa thuṛi mạṭhại ar mitʼ cukạkʼ dumur rasa uni lạgitʼ idi toraeme. Ar unigeye lạiyama gidrạwakʼ do cetʼ hoyokʼtaea mente.”

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

2 Rapajko 5:15

Unre Naman ar uni sãoten sanam hoṛ do Isorren hoṛ ṭhenko ruạṛ calaoena. Naman do uni samaṅre teṅgokateye menkeda, “Ńitokʼ doń baḍae daṛeakʼkana, Israelren Isor chaḍa dhạrtire ar cele Isorge bạnukʼkoa. Am do ńitokʼ amren guti ṭhen khon niạ sandes baṛe ataṅme.”

2 Rapajko 5:5

Unre Aramren raj do roṛ ruạṛketʼteye menkeda, “Ṭhikgea, Do calakʼme. Iń do Israelren raj ṭhen mitʼṭecʼ ciṭhiń kola.” Ar onate Naman do pesae aregel keji rupạ, eaegel irạl keji sona ar gel joṛa kicricʼanteye oḍok calaoena.

2 Rapajko 8:8

Ar raj do Hosaele metadea, “Am do soṅgete mitʼṭecʼ sandes idi toraeme ar Isorren hoṛ sãote ńapamokʼme. Ar uni hotete Probhu Isor ṭhen khon baḍae joṅme, iń do niạ ruạ kạhil khoniń bogekʼa se baṅa.”

2 Rapajko 8:9

Unre Hosael do sandes lekate Damesek reakʼ joto khon bhageakʼ jinisko pongel ũṭreye ladekeda ar Elisae sãote ńapamokʼ lạgitʼe senena. Uni do Elisae samaṅre senkate teṅgoyenteye menkeda, “Amren hopon Aramren Benhadad raj do niạ katha kulime lạgitʼe kol akadińạ, ruạ kạhil khon uni doe boge ruạṛokʼa se baṅa.”

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Bikʼcạrko 6:18

Ar ruạṛ hecʼkate am samaṅre ińakʼ dan ạuriń dohowam hạbicʼ alom calakʼa. ” Uni doe menkeda, “Am ạurim ruạṛ hijukʼ hạbicʼ koyokʼ hor akaeyiń tahena.”