1 Samuel 9:5 - সান্তালী বাইবেল

⁵ Unkin do tinre Suph ṭoṭhatekin boloyena unre Sạul do acʼ soṅgeten gutiye metadea, “Alaṅ do dela laṅ ruạṛ calakʼa. Arbaṅ khan baba do hoedaṛeakʼa gadha eṅgakoakʼ cintạ badkate alaṅ lạgitʼe cintạkʼa.”

1 Samuel 9:5 Iomraidhean Croise

Mathae 6:25

“Noa iạteń metapekana, bańcao tahen lạgitʼ cetʼpe joma se cetʼpe ńũiya se hoṛmo lạgitʼ cetʼpe horokʼ-bandea ona do alope dạndikʼa. Jiwi do eken jom ar ńũi lạgitʼ do baṅkana, ar hoṛmo hõ horokʼ bandekʼ lạgitʼ do baṅa.

Mathae 6:28

“Horokʼ-bandekʼ lạgitʼ do cedakʼpe dạndikʼ kana? Ṭạnḍire menakʼ bahako reakʼ hudispe, cetʼ lekate harakʼkana mente. Onko do bako kạmiya ar sutạm hõ bako takoea.

Mathae 6:34

Gapa lạgitʼ do alope dạndikʼa; gapa reakʼ dạndi do gapage dạndi ocowaepe. Ar dintetʼ lạgitʼ do enhilokʼ reakʼ haronge ḍhera.

Luk 12:11

Sunạgogkore ar disạm cakʼlaoko ar ektiạrianko samaṅreko idilepere cetʼ leka se cetʼpe roṛ ruạṛa ona reaṅ do alope bhabnakʼa.

Luk 12:22

Ona tayom Jisu do acʼren celakoe metatʼkoa, “Noa iạtegeń metapekana, jiwi lạgitʼ do alope dandokʼa cetʼpe joma; ar hoṛmo lạgitʼ hõ alope dạndikʼa cetʼpe horokʼ bandea mente.

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’