1 Samuel 9:16 - সান্তালী বাইবেল

¹⁶ “Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”

1 Samuel 9:16 Iomraidhean Croise

2 Samuel 3:18

Ńitokʼ do ma onage onkaepe. Probhu Isor do Dạud reaṅe kiriạ akana, uni do acʼren guti Dạud hotete Philisṭikoakʼ tite khon ar onkoren eṭakʼ sanam bạiriko khon uniren hoṛ Israelkoe bańcaokoa.”

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

1 Samuel 14:20

Inạ tayom Sạul ar uniren lạṛhại phạdko do sanamko mitʼdomte lạṛhại lạgitʼko oḍok calaoena. Onkoko ńelkeda, Philisṭiko do ako ako upạrtege tarwaṛeko calaoeda ar onko talare maraṅ ạulạuge ńelokʼkana.

1 Samuel 14:23

Nonkate Probhu Isor do enhilokʼ Israelkoe bańcaoketʼkoa, ar Bet-Aben paromkate hõ lạṛhạitegeko tahẽyena.

1 Samuel 15:1

Sạmuel do Sạule metadea, “Probhu Isor do acʼren hoṛ Israelko cetanre raj hudạre bahale lạgitʼ ińe kolledińạ. Ńitokʼ do Probhu Isorakʼ kathare luturakʼme.

1 Samuel 16:1

Probhu Isor do Sạmuele metadea, “Sạul do Israelkoren raj mente doń nihạ̃t giḍiakadea, onate am do ar tinạkʼ din uni lạgitʼem dukokʼa? Am do ńitokʼ dereńre sunum hataokate oḍokokʼme. Ente iń do Bethlehem atoren Jisại ṭheniń kolmea. Uniren hoponko mod khon iń ńutumte mitʼṭen raj hoyokʼ lạgitʼ iń bachao dohoakadea.”

1 Samuel 16:3

Ar ona samaṅokʼakʼem samaṅ jokhecʼ Jisạiyem neotaea. Ona tayom cetʼ cekae hoyokʼtama onań lạiyama. Ar okoeyakʼ kathań lạiyam unige iń ńutumtem ojokʼ bahalea.”