1 Samuel 8:9 - সান্তালী বাইবেল

⁹ Ńitokʼ do onkoakʼ katha manao takome; menkhan onkom sontorkoa arem galmarao akoa, onko cetanre okoeye rajokʼa uni do onko cetanre cetʼ lekae colona mente.”

1 Samuel 8:9 Iomraidhean Croise

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’

Jeheskel 3:18

Iń do tinre mitʼṭecʼ dusṭạmi hoṛiń metaea, ‘khạṭige am dom gujukʼa,’ unre am do uni bam sontore, se uniyakʼ jiwi bańcaotae lạgitʼ bạṛicʼ hor khon ruạṛ hijukʼ lạgitʼ jãhãnakʼ bam metae, enḍekhan uniyakʼ gujukʼ lạgitʼ do amgeń dạyimea.

Jeheskel 46:18

Disạm cakʼlaoyicʼ do onko hoṛkoe laga ńir lekorehõ onkoakʼ jãhãn sompotti do bae dokhol daṛeatakoa. Uni do eken acʼakʼ sompotti khonge acʼren hoponkoe em daṛeakoa jemon ińren hoṛko mod khon celege uniyakʼ sompottiren mạlikana aloko adtako.’ ”

1 Samuel 10:25

Unre Samuel do rajosṭi ḍanṭao reakʼ niạm lekate hoṛko ṭhene lại jạhirkeda. Uni do onako mitʼṭecʼ puthire olkate Probhu Isor samaṅreye dohokeda. Ar ona tayom hoṛko do apan ạpin oṛakʼteye bidạkatʼkoa.

1 Samuel 12:1

Inạ tayom Sạmuel do Israelkoren sanamkoe metatʼkoa, “Ape okakope men akawạdiń onako jotowakʼ doń ańjom akada ar ape cetanre mitʼṭen raj hõń bahal akawatʼpea.

1 Samuel 14:52

Sạulakʼ rajokʼ oktere Philisṭiko sãote maraṅ lạṛhại hoylena. Jãhãe daṛean hoṛ se birbanṭa herel hoṛe ńelle khange uni do lạṛhại phạdreye hataoedekan tahẽkana.

1 Samuel 2:13

Unkin do hoṛko sãote nonkakin beoharetʼ tahẽkana: jãhãe hoṛren samaṅokʼakʼren janwarakʼ jel tinre tekekʼa unre naekeren guti do pea jaṅgawakʼ mitʼṭecʼ lạṭu kaṭa kạ̃ṛchue ạguiyetʼ tahẽkana.

1 Samuel 8:8

Misor disạm khon onko oḍok ạguko tayom khon teheń hạbicʼ ińre okako kạmi akatʼ onko do am cetanre hõ onkageko kạmi akada; ar iń bạgikate debotako sewawako kana.