1 Samuel 8:8 - সান্তালী বাইবেল

⁸ Misor disạm khon onko oḍok ạguko tayom khon teheń hạbicʼ ińre okako kạmi akatʼ onko do am cetanre hõ onkageko kạmi akada; ar iń bạgikate debotako sewawako kana.

1 Samuel 8:8 Iomraidhean Croise

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Jirimiạ 34:14

‘jãhãe Ibri boeha acʼte ape ṭhene ạkhriń akan khan enḍekhan eaeakʼ bochorre uni do aṛakʼkae hoyokʼtapea. Uni do turui bochor ape ṭhen golame khaṭaokʼa ar ona tayom do aṛakʼkae hoyokʼa.’ Menkhan aperen hapṛamko do ińakʼ katha bako ańjomleda, ar ińakʼ katha mone hõ bako moneyada.

Jeheskel 2:3

Uniye metadińạ, “E manwa hopon, am do Israelko ṭhen, metakʼme okoe iń upạrteko huletʼkan onko jạtrenko ṭheniń koletʼmea; onko ar akoren hapṛamko do teheń hạbicʼ iń upạrteko huletʼkana.

Numeri 16:41

Inạ dosar hilokʼ Israel somajren sanamkoge Mose ar Aron upạrte karacʼ kurujokʼko ehopʼena arko menkeda, “Probhu Isorren hoṛ do abenge ben gocʼketʼkoa.”

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

Bikʼcạrko 2:20

Ona iạte Probhu Isor do Israelko cetanre edreteye menkeda, “Nokoren hapṛamko okaṭakʼ iń bondobosatʼko tahẽkan ona do noko bako manao akada ar ińakʼ katha hõ bako ańjom akada.

Bikʼcạrko 4:1

Ehude gocʼen tayom Israelko do arhõ Probhu Isorakʼ mẽtʼre oka bạṛicʼakʼ kan onage kạmiko dhurạuena.

Bikʼcạrko 6:1

Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.

1 Samuel 8:7

Unre Probhu Isor do uniye metadea, “Hoṛ okako metamkan onage onkaeme. Ente am do bako nihạ̃t giḍi akatʼmea, menkhan onko do ińgeko nihạ̃t giḍi akadińạ jemon onko cetanre aloń rajokʼ.

1 Samuel 8:9

Ńitokʼ do onkoakʼ katha manao takome; menkhan onkom sontorkoa arem galmarao akoa, onko cetanre okoeye rajokʼa uni do onko cetanre cetʼ lekae colona mente.”