1 Samuel 8:3 - সান্তালী বাইবেল

³ Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

1 Samuel 8:3 Iomraidhean Croise

2 Samuel 15:4

Ona tayom uni do arhõe menetʼ tahẽkana, “Hae, iń do disạmren bikʼcạricʼ iń tahẽlen khan! Enḍekhan jãhãege iń ṭhen mambla se bicạr lạgitʼko hecʼkokʼ onkoakʼ do hok reakʼ iń bicạrketakoa.”

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Sereńko 26:10

Onkoakʼ tire do bạṛicʼ pontha menakʼa, onkoakʼ jojom ti do ghuste perecʼgetakoa.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 23:6

“Jãhãe reṅgecʼ hoṛakʼ mamblare behok alom bicạra.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Sosolhayic̕ 2:19

Uni hoṛ do ạkilan se lelhayicʼe hoyokʼa ona do okoeye baḍaea? Enhõ uni do ińakʼ khaṭaoakʼ reakʼ mạlike hoyokʼa, oka do siń cando latarreń khaṭaolen ariń hameṭakatʼ. Noa hõ ạuṛiyakʼgea.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1 Samuel 12:2

Ńelpe, ńitokʼ do ape ạyurpe lạgitʼ aperen do mitʼṭen raj menaea. Iń doń haṛamena, ariń pạnḍu caba akana, ar ińren hoponkin hõ ape samaṅrege menakʼkinạ. Iń do juạn umer khon teheń hạbicʼ apeń ạyur ạguakatʼpea.

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.