1 Samuel 7:9 - সান্তালী বাইবেল

⁹ Unre Samuel do nunu bae bạgi akatʼ mitʼṭen bhiḍi hopone hataoana ar uni do bhiḍi hoponte Probhu Isor ńutumte mitʼṭecʼ jeredokʼ samaṅokʼakʼ e samaṅkeda. Uni do Israel hoponko ńutumteye rakʼkeda ar Probhu Isor hõ uniye roṛ ruạṛadea.

1 Samuel 7:9 Iomraidhean Croise

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Levitikus 22:27

“Janam tayom ḍaṅgra, bheḍa se meron boda hopon acʼren eṅgattetʼ sãote eae din hạbicʼpe tahẽ ocoaea. Ar irạlakʼ din khon do Probhu Isor ńutumte seṅgelre samaṅokʼakʼ lekateye ataṅokʼa.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”

Bikʼcạrko 6:28

Setakʼ jokhecʼ atoren hoṛko do jạpitʼ khon beretʼkate tinreko ńelkeda Bakʼal debotawakʼ pinḍ do rạputʼ gejer akana ar Asera-muṭhạn hõ makʼ giḍi akana ar mitʼṭen nãwã pinḍ benaokate onare dosaricʼ ḍaṅgrae samaṅ akana.

1 Samuel 10:8

“Am do iń lahate Gilgolte pheḍ calakʼme. Iń do jeredokʼ ar sulukren samaṅokʼakʼ samaṅ lạgitʼ am ṭheniń hijukʼkana. Ar iń ạuriń hijukʼ hạbicʼ am do eae din iń hạbicʼem koyokʼ hora. Ar iń do hecʼkateń lạiyama cetʼ cekae hoyokʼtama.”

1 Samuel 12:17

Ńitokʼ do guhum gegetʼ somoe kana, se baṅa? Iń do Probhu Isoriń metaea jemon uni do huḍur ar dakʼe kol. Ar unrepe baḍae daṛeakʼa arpe ńela, rajpe koeyante Probhu Isor ṭhen tinạkʼ maraṅpe behok akada mente.”

1 Samuel 16:2

Sạmuele menkeda, “Cekate iń doń calakʼa? Sạul niạ kathae ańjom lekhan uni do khạṭigeye gocʼ giḍikạńạ.” Probhu Isore menkeda, “Am do mitʼṭen phẽṭaṛ mĩhũm iditorayea arem mena, Probhu isor ńutumte samaṅokʼ lạgitʼem hecʼakana.

1 Samuel 2:35

Menkhan iń do iń lạgitʼ mitʼṭen pạtiạricʼ naekeń teṅgo joṅa, one uni do ińakʼ mone bujhạute ińakʼ sana lekae kạmi. Iń do uniyakʼ bõskoń ṭarhao dohoya ar uni do jaoge ińren bachao hoṛkoe sapʼ sorakoa.

1 Samuel 7:17

Ar ona tayom uni do acʼakʼ oṛakʼ Ramateye ruạṛ calakʼkan tahẽkana. Uni do onḍe hõ Israelkoe bicạretʼko tahẽkana. Ar Probhu Isor ńutumte onḍe mitʼṭecʼ pinḍe benaoletʼ tahẽkana.

1 Samuel 9:12

Onkoko roṛ ruạṛatʼkinạ, “Hẽ, menaegea; aben do thoṛa laha ńokʼ calakʼben ar usạrae ben. Uni do teheńge aleakʼ nagrahareye hecʼakana, ar boṭkocʼ coṭre hoṛko do teheń janwar samaṅokʼakʼko hoeocoya.