1 Samuel 7:12 - সান্তালী বাইবেল

¹² Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

1 Samuel 7:12 Iomraidhean Croise

Genesis 22:14

Ar ona jaega reakʼ ńutum Yehowa-Yire (metakʼme “Probhu Isorakʼ jogaṛ”) dohokeda. Onate teheń hõ hoṛko mena, “Probhu Isorakʼ burure Probhu Isorgeye jogaṛa.”

Genesis 35:14

Ar Jakob do ṭhik ona jaegare dhiri reakʼ cinhạ khunṭiye teṅgokeda ar ona cetanre coḍor samaṅokʼakʼe samaṅkeda. Ar ona tayom do ona cetanre sunume dulada.

Sereńko 71:17

E Isor, juạn okte khon amge sikhnạtem em akawạdińạ; ar teheń hõ amakʼ hahaṛa kạmi reakʼ kathań porcareda.

Sereńko 71:6

Janam khonge iń do amreń bhorsa akana; ińren eṅgạńakʼ kukhi khon amgem oḍok ạgukedińa. Amge ińren jao okteren sarhaoicʼ kanam.

Exodus 17:15

Tayomte Mose do mitʼṭecʼ pinḍ benaokate ona reakʼ ńutum do Jehowa-nisiye (metakʼme “Probhu Isorge ińakʼ jhạnḍi”) dohokeda.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.

Josuạ 4:9

Jordan gaḍa reakʼ oka ṭhạ̃ire goha-sinduk gogokʼ naekeko teṅgo akan tahẽkan onḍe Josuạ do arhõ gelbar goṭecʼ dhiriye dohokeda. Ona dhiriko do teheń hạbicʼ onḍege menakʼa.

1 Samuel 14:35

Ar Sạul do Probhu Isor ńutumte onḍe mitʼṭecʼ pinḍe benaokeda. Ar onage Probhu Isor ńutumte uniyakʼ benaoakʼ pạhil pinḍ hoyena.

1 Samuel 4:1

Samuel okae menetʼ tahẽkan ona do sanam Israelko ṭhen seṭerokʼkan tahẽkana. Mitʼ dhao Israelko do Philisṭiko upạrte lạṛhại lạgitʼko oḍok calaoena. Ar Ebeneserreko ḍerayena ar Philisṭiko do Aprere.

1 Samuel 5:1

Philisṭiko do Isorakʼ sinduk Ebeneser khon Asdod nagrahateko idikeda.

1 Samuel 7:11

Israelko do unre Mispa khonko oḍok hecʼente Philisṭikoko khudạuketʼkoa ar Bet-kar ato reakʼ latar ṭhạ̃i hạbicʼko ńẽtʼ idiketʼkoa.