1 Samuel 6:4 - সান্তালী বাইবেল

⁴ Unre disạm cakʼlaoko doko kuliyana, “Dos ńutumte samaṅokʼakʼ lekate ale do uni ṭhen cetʼle kola?” Onkoko menkeda, “Philisṭiren disạm cakʼlaokoakʼ lekha lekate ape do mõṛẽ goṭecʼ sona reakʼ ojo ar mõṛẽ goṭecʼ sonaren goḍo kolgotʼkakope, ente hoṛko cetanre ar onkoren disạm cakʼlaoko cetanre inạ mitʼ lekan dukge hecʼakana.

1 Samuel 6:4 Iomraidhean Croise

Exodus 12:35

Israelko do Moseyakʼ katha leka misriko sona-rupạ ar kicricʼko koeketʼkoa.

Bikʼcạrko 14:19

Inạ tayom Probhu Isorren jiu do purạ daṛete Samson cetanreye hecʼena. Ar uni do Askilonte senkate onḍenko pe gel hoṛe gocʼketʼkoa ar onkoakʼ jotowakʼe luṭketʼtakoa ar onkoakʼ kicricʼ ạgukate okoe acʼakʼ kudum reakʼ manetetʼko lạiletʼ onkoe ematʼkoa. Ona tayom uni do edrete acʼren apatakʼ oṛakʼteye calaoena.

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.

1 Samuel 5:12

Ar okoeko hoṛ bako gocʼlen onko hõ ona ojo ruạ do ńamletʼkoa. Onate nagraharen hoṛkoakʼ rakʼ homor reakʼ aṛaṅ do serma hạbicʼ seṭerena.

1 Samuel 5:6

Ar Probhu Isor do Asdod ar ona aḍepase jaegaren hoṛkoe toras ocoketʼkoa ar ojo ruạkoteye ńẽtʼketʼkoa.

1 Samuel 5:9

Onko do sinduk onḍeko idiketʼ khan Probhu Isor do ona nagraha upạrte tiye rakapʼketʼtaea. Onate onḍenko hoṛ do ạḍiko botorena. Isor do nagraharen kạṭicʼ lạṭu sanam hoṛkoe hạnketʼkoa, ar onate sanamkoge ona ojo ruạ ńamketʼkoa.

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.

1 Samuel 6:8

Ona tayom Probhu Isorakʼ sinduk do ona sagaṛ cetanrepe dohoya ar dos ńutumte samaṅokʼakʼ lạgitʼ okako sona reakʼ jinis Probhu Isor ńutumtepe kol onako do mitʼṭecʼ baksare sinduk aṛerepe dohoya. Ar nonkape kolgotʼkakʼa jemon ona sinduk do calakʼ.