1 Samuel 6:2 - সান্তালী বাইবেল

² Tayomte Philisṭiren disạm cakʼlaoko do naekeko ar gonokko hohoatʼkote onko ṭhenko kuliyana, “Probhu Isorakʼ sinduk do bon cekaea? Ado ma lạiyalepe, ona do oka lekate acʼakʼ jaegarele kol ruạṛkakʼa?”

1 Samuel 6:2 Iomraidhean Croise

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Exodus 7:11

Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Mathae 2:4

Herod do sanam maraṅ naekeko ar sostor baḍaeko hoho jarwakate onko ṭhene kuliyana Mạsi do okareye janamokʼa mente.

1 Samuel 5:8

Onate onko do hoṛ kolkate Philisṭikoren sanam disạm cakʼlaoko mitʼ ṭhen hoho ạgukateko kuliketʼkoa, “Israelkoren Isorakʼ sinduk dobon cekaea?” Onkoko menkeda, “Israelkoren Isorakʼ sinduk do Gad nagrahate idikʼma.” Onate Asdodren hoṛ do Israelkoren Isorakʼ sinduk do Gadteko idikeda.

1 Samuel 6:1

Probhu Isorakʼ sinduk do Philisṭikoakʼ disạmrege tahẽyena.