1 Samuel 6:18 - সান্তালী বাইবেল

¹⁸ Onko mõṛẽ goṭen rapajko tabere Philisṭikoakʼ do mõṛẽ goṭecʼ pạcri esetʼ nagraha ar onako são reakʼ begor pạcri atoko khon sonaren goḍoko kolletʼkoa. Philisṭikoakʼ ṭoṭha do tahẽkana Bet-semesre Josuạwakʼ khet tala reakʼ maraṅ dhiri hạbicʼ, one ona cetanre onko do Probhu Isorakʼ sindukko pheḍ doholetʼ tahẽkan. Ar ona do teheń hạbicʼ hõ onḍege menakʼa.

1 Samuel 6:18 Iomraidhean Croise

Dosar Biboron 3:5

Noako nagrahako do usul pạcrikote esetʼ ạcur tahẽkana ar onare do phaṭok duạr ar hurkạṛko hõ tahẽkana.

1 Samuel 6:4

Unre disạm cakʼlaoko doko kuliyana, “Dos ńutumte samaṅokʼakʼ lekate ale do uni ṭhen cetʼle kola?” Onkoko menkeda, “Philisṭiren disạm cakʼlaokoakʼ lekha lekate ape do mõṛẽ goṭecʼ sona reakʼ ojo ar mõṛẽ goṭecʼ sonaren goḍo kolgotʼkakope, ente hoṛko cetanre ar onkoren disạm cakʼlaoko cetanre inạ mitʼ lekan dukge hecʼakana.