1 Samuel 6:11 - সান্তালী বাইবেল

¹¹ Ona tayom onko do ona sagaṛ cetanre Probhu Isorakʼ sindukko dohokeda ar ona aṛere ona baksa hõ one onare sonaren goḍo ar sona reakʼ ojoko tahẽkan.

1 Samuel 6:11 Iomraidhean Croise

2 Samuel 6:3

Isorakʼ ona sinduk onko do buru cetan reakʼ Abinadabakʼ oṛakʼ khonko oḍok ạguketʼte mitʼṭecʼ nãwã sagaṛreko dohokeda. Us ar Ahio ńutuman Abinadabren hoponkin do taṛam taṛamte ona nãwã sagaṛkin laga idiyetʼ tahẽkana.

1 Bõsbudạ 13:7

Hoṛko do Abinadabakʼ oṛakʼ khon Isorakʼ sinduk oḍok kate mitʼṭecʼ nãwã sagaṛ gạḍi cetanre ladekateko idiyetʼ tahẽkana. Unre Us ar Ahiạ do ona sagaṛ gạḍikin calaoetʼ tahẽkana,

Dosar Biboron 28:27

Probhu Isor do Misor disạm reakʼ ojo, ganḍ, dạd ar khasrakoteye ńẽtʼpea ar onako khon celege bako boge daṛeapea.

1 Samuel 6:10

Onko do unre onkageko kạmikeda. Hoṛko do toa emokʼ barea gại ạgukate sagaṛreko joṛaoketʼkinạ ar unkinren mĩhũ do oṛakʼreko aṭkao dohokatʼkinạ.

1 Samuel 6:12

Ar unkin gại do unre leṅga ar jojomsa secʼ ghańjeṛ baṅkate bhokrao bhokraote sojhe ḍaharte Bet-semes secʼkin calao idiyena. Ar Philisṭiren disạm cakʼlaoko hõ sagaṛ tayom tayomte Bet-semes reakʼ simạna hạbicʼko calaoen.

1 Samuel 6:4

Unre disạm cakʼlaoko doko kuliyana, “Dos ńutumte samaṅokʼakʼ lekate ale do uni ṭhen cetʼle kola?” Onkoko menkeda, “Philisṭiren disạm cakʼlaokoakʼ lekha lekate ape do mõṛẽ goṭecʼ sona reakʼ ojo ar mõṛẽ goṭecʼ sonaren goḍo kolgotʼkakope, ente hoṛko cetanre ar onkoren disạm cakʼlaoko cetanre inạ mitʼ lekan dukge hecʼakana.