1 Samuel 5:9 - সান্তালী বাইবেল

⁹ Onko do sinduk onḍeko idiketʼ khan Probhu Isor do ona nagraha upạrte tiye rakapʼketʼtaea. Onate onḍenko hoṛ do ạḍiko botorena. Isor do nagraharen kạṭicʼ lạṭu sanam hoṛkoe hạnketʼkoa, ar onate sanamkoge ona ojo ruạ ńamketʼkoa.

1 Samuel 5:9 Iomraidhean Croise

Sereńko 78:66

Uni do acʼren bạirikoe pạc ocoketʼkoa; onko do jaejug lạgitʼe opomanketʼkoa.

Amos 5:19

Ona din do dhạcri kul khon ńir bańcaokate bana eṅga samaṅreye paṛao akan hoṛ leka, one acʼakʼ oṛakʼte ńir bolokate bhitreye capoyen sãote biń do tiye sogakʼkede.

Dosar Biboron 2:15

Ḍera khon maraoko lạgitʼ Probhu Isorge onko upạrteye kạmikeda, onko ạuriko marao caba utạrokʼ hạbicʼ.

1 Samuel 12:15

Menkhan Probhu Isorakʼ bape batao ar uniyakʼ hukum upạrtepe taṛam, enḍekhan cetʼleka aperen hapṛamko sạjạiye ematʼko tahẽkan onkage ape hõe emapea.

1 Samuel 5:10

Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

1 Samuel 5:6

Ar Probhu Isor do Asdod ar ona aḍepase jaegaren hoṛkoe toras ocoketʼkoa ar ojo ruạkoteye ńẽtʼketʼkoa.

1 Samuel 6:11

Ona tayom onko do ona sagaṛ cetanre Probhu Isorakʼ sindukko dohokeda ar ona aṛere ona baksa hõ one onare sonaren goḍo ar sona reakʼ ojoko tahẽkan.

1 Samuel 7:13

Nonkate Philisṭiko doko koboj ocoyena. Inạ tayom onko do ar Israelkoakʼ simạnakote ar bako bololena. Samuel tinạkʼ din jiwetʼe tahẽkan unạkʼ din Probhu Isor do Philisṭiko birudteye tahẽkana.