1 Samuel 5:8 - সান্তালী বাইবেল

⁸ Onate onko do hoṛ kolkate Philisṭikoren sanam disạm cakʼlaoko mitʼ ṭhen hoho ạgukateko kuliketʼkoa, “Israelkoren Isorakʼ sinduk dobon cekaea?” Onkoko menkeda, “Israelkoren Isorakʼ sinduk do Gad nagrahate idikʼma.” Onate Asdodren hoṛ do Israelkoren Isorakʼ sinduk do Gadteko idikeda.

1 Samuel 5:8 Iomraidhean Croise

1 Bõsbudạ 7:21

Tohotren hopon do Sabod ar Sabodren hopon do Sutheloho. Ephrayimren do arhõ barea hoponkin tahẽkana unkinakʼ ńutum do Ethsor ar Eliad. Unkin do disạmrekin janamlena ar Gadren hoṛkoakʼ titekin gocʼ ocoyena, ente unkin do Gadkoren janwar kombṛoko lạgitʼ onḍekin senlen tahẽkana.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Josuạ 15:11

Ona tayom ona simạna do Ekron utạr reakʼ dhasna secʼ senkate Sikron secʼ ạcurente sojhe Bala buru secʼ calao idiyena ar Jabneyel seṭerkate jalapuri hạbicʼ mucạtʼena.

1 Samuel 17:4

Philisṭiren Guliạt ńutuman mitʼṭen birbanṭa hoṛ do onkoakʼ lạṛhại phạd khone oḍok hecʼena. Uni do Gat nagraharen hoṛe tahẽkana. Uni do usulte turui moka talae tahẽkana.

1 Samuel 17:52

Unre Israel ar Jihudạren hoṛ do ridgạu menteko hohokeda ar Philisṭiko Gat ar Ekron hạbicʼko laga idiketʼkoa. Onate Philisṭikoren ghạl akan hoṛ do Sarayim khon Gat ar Ekron hạbicʼko gocʼena.

1 Samuel 29:6

Unre Akis do Dạud hohoadeteye metadea, “Jiwetʼ Probhu Isor ńutumteń metamkana, ińiń baḍaea am dom soṛa hoṛkana. Noko lạṛhại phạdko talare oḍok bolokʼ do iń nońjorre boge kangea. Amem hecʼen hilokʼ khon teheń hạbicʼ amre jãhãn behokakʼ do bạń ńelakada, menkhan eṭakʼ rapajko amre kusi do bạnukʼkoa.

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

1 Samuel 5:7

Niạ ńelte Asdodren hoṛko menkeda, “Israelkoren Isorakʼ sinduk do abo ṭhen ar babon dohokakʼa, ente uni do abo ar aboren debota Dagon cetanre ạḍi bạṛicʼe kạmi akada.”

1 Samuel 6:2

Tayomte Philisṭiren disạm cakʼlaoko do naekeko ar gonokko hohoatʼkote onko ṭhenko kuliyana, “Probhu Isorakʼ sinduk do bon cekaea? Ado ma lạiyalepe, ona do oka lekate acʼakʼ jaegarele kol ruạṛkakʼa?”