1 Samuel 5:3 - সান্তালী বাইবেল

³ Dosar hilokʼ hoṛko do setakʼre beretʼkateko ńelkeda Dagon do Probhu Isorakʼ sinduk samaṅre otre taberteye bhindạṛ akana. Ar unre onko do Dagonakʼ muṭhạnko teṅgoketʼte acʼakʼ jaegareko dohokeda.

1 Samuel 5:3 Iomraidhean Croise

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

Sereńko 115:7

Ti menakʼ takogea menkhan bako joṭetʼ daṛeakʼa, jaṅga menakʼtakogea menkhan bako taṛam daṛeakʼa. Alaṅ menakʼgea menkhan roṛ hõ baṅ oḍokokʼtakoa.

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 40:20

Reṅgecʼ hoṛ do boṅga muṭhạn benao lạgitʼ baṅ seakʼ kaṭgeye bachao joṅa. Oka baṅ ḍikạ ḍaketʼ onkan boṅga muṭhạn benao lạgitʼ uni do gạkhuṛ kạrigolgeye sendrayea.

Jesaea 41:7

Kạrigol do sonhar dile emaekana; kuṭạsite kuṭạmicʼ do nihại kuṭạmkạnicʼe udgạu edekana. Uni do rasao reakʼ kạmi ńelteye mena, “Bhagege hoyakana. Uni do jạlạite onakoe kajakeda jemon ona alo laṛaokʼ.

Jesaea 46:7

Onko do tarenre ladekateko gokʼ idiyedea; ar uniyakʼ jaegareko dohoyedea ar onḍege uni doe tahenkana. Ar ona jaega khon bae ocogokʼkana. Ar jãhãege uni ṭhene rakʼlere hõ bae roṛ ruạṛeda, ar uniyakʼ duk-kosṭo khon hõ bae rukhiyạ daṛeaekana.

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Mark 3:11

Ar bạṛicʼ jiuko do uniko ńelle khange uni samaṅreko bhindạṛokʼkan tahẽkana ar kikiạuateko metaekan tahẽkana, “Am dom Isorren Hopon kana.”

1 Samuel 6:1

Probhu Isorakʼ sinduk do Philisṭikoakʼ disạmrege tahẽyena.

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.