1 Samuel 5:11 - সান্তালী বাইবেল

¹¹ Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

1 Samuel 5:11 Iomraidhean Croise

Exodus 10:7

Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

1 Samuel 5:10

Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”

1 Samuel 5:6

Ar Probhu Isor do Asdod ar ona aḍepase jaegaren hoṛkoe toras ocoketʼkoa ar ojo ruạkoteye ńẽtʼketʼkoa.

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.