1 Samuel 5:10 - সান্তালী বাইবেল

¹⁰ Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”

1 Samuel 5:10 Iomraidhean Croise

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

2 Rapajko 1:2

Ahasiạ do Samariạre acʼakʼ oṛakʼ cetan kandha reakʼ jalna khone ńuren iạteye ghạllena. Unre uni do mitʼbar hoṛ kolkate noa kathae roṛgotʼkada, “Ape do Ekronren debota Bakʼal-sebub ṭhen senkate kulijoṅpe, iń do niạ ghạl khoniń boge ruạṛokʼa se baṅa.”

1 Bõsbudạ 7:21

Tohotren hopon do Sabod ar Sabodren hopon do Sutheloho. Ephrayimren do arhõ barea hoponkin tahẽkana unkinakʼ ńutum do Ethsor ar Eliad. Unkin do disạmrekin janamlena ar Gadren hoṛkoakʼ titekin gocʼ ocoyena, ente unkin do Gadkoren janwar kombṛoko lạgitʼ onḍekin senlen tahẽkana.

Amos 1:8

Iń do Asdosren hoṛkoakʼ ar Askelonre okoeṭakʼ hoṛ raj ṭheṅgae sapʼakatʼ uniń marao utạrea. Iń do Ekron upạrte ińakʼ tiyiń tiyạrtińạ, onate Philisṭiren sarecʼ hoṛ doko gujukʼa.”

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Josuạ 15:11

Ona tayom ona simạna do Ekron utạr reakʼ dhasna secʼ senkate Sikron secʼ ạcurente sojhe Bala buru secʼ calao idiyena ar Jabneyel seṭerkate jalapuri hạbicʼ mucạtʼena.

Josuạ 15:45

Ekron nagraha ar ona aḍepase reakʼ jaega ar atoko,

Bikʼcạrko 1:18

Jihudạ gusṭiren hoṛko do Gasa, Askelon ar Ekron nagraha ar onako aḍepase reakʼ jaegako hatkeda.

1 Samuel 17:52

Unre Israel ar Jihudạren hoṛ do ridgạu menteko hohokeda ar Philisṭiko Gat ar Ekron hạbicʼko laga idiketʼkoa. Onate Philisṭikoren ghạl akan hoṛ do Sarayim khon Gat ar Ekron hạbicʼko gocʼena.

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

1 Samuel 5:9

Onko do sinduk onḍeko idiketʼ khan Probhu Isor do ona nagraha upạrte tiye rakapʼketʼtaea. Onate onḍenko hoṛ do ạḍiko botorena. Isor do nagraharen kạṭicʼ lạṭu sanam hoṛkoe hạnketʼkoa, ar onate sanamkoge ona ojo ruạ ńamketʼkoa.

1 Samuel 6:1

Probhu Isorakʼ sinduk do Philisṭikoakʼ disạmrege tahẽyena.